सोलिड्यारीटि कप फुटबल आजबाट सुरु

Posted on: November 01, 2016 | views: 390

काठमाडौं ।
सोलिड्यारीटि कप फुटबल प्रतियोगिता मलेसीयाको कुनचिङ्गमा बुधबार देखि शुरु हुँदैछ ।

प्रतियोगितामा समूह ए मा रहेको नेपालले पहिलो खेल कात्तीक २० गते पूर्वि टिमोर संग खेल्न छ भने दोस्रो खेल कात्तीक २३ गते ब्रुनाई संग खेल्ने छ ।

प्रतियोगिता शुरु हुनु पुर्व मंगलबार मलेसीयाको कुनचिङ्गमा आयोजित पत्रकार सम्मेलनमा नेपालका प्रशिक्षक ग्योटोकु कोजीले नेपालले आफ्नो समूहमा रहेका अन्य दुई राष्ट्रको खेललाई अवलोकन गरेर अझ राम्रो प्रदर्षन गर्ने विश्वास व्यक्त गर्नुभयो ।

प्रशिक्षक कोजीले नेपाली टोलीले ८ महिना यता कुनै अन्तराष्ट्रिय खेल नखेलेको भए पनि अभ्यास राम्रो भएकाले बाँकी दुवै राष्ट्रलाई पराजित गर्ने पनि विश्वास व्यक्त गर्नुभयो ।

पत्रकार सम्मेलनमा प्रशिक्षक कोजीले गत वैशाखको विनासकारी भुकम्प पछि भत्किएको एक मात्र अन्तराष्ट्रिय खेल आयोजना गर्न मिल्ने रङ्गशाला अहिले सम्म पनि निमार्ण हुन नसक्दा नेपालले अन्तराष्ट्रिय खेल बाट बन्चित हुनु परेकोमा दुख व्यक्त गर्नुभयो ।

यसैगरि पत्रकार सम्मेलनमा ब्रुनाईका प्रशिक्षक क्वन वन सनले वातावरणले पनि आफ्नो टिमलाई साथ दिएकोले सकारात्मक नतिजा आउनेमा आफु विश्वस्त रहेको बताउनुभयो ।

प्रशिक्षक क्वनले टिमोर संग केहि हप्ता अगाडि भएको खेलमा पनि जित हात पारेकोले मंगलबार हुने खेलबाट पनि त्यसै प्रकारको नतिजा अउने बताउनुभयो ।

टिमोरका प्रशिक्षक फाबियो डा सील्भाले खलमा नतिजा भन्दा पनि प्रदर्षन उत्कृष्ठ हुनु पर्ने बताउनु भयो ।

प्रशिक्षक सील्भाले यहि टिमले राम्रो प्रदर्षन गरिरहन्छ भने पकै पनि एक दिन सकारात्मक नतिजा आउने विश्वास व्यक्त गर्नुभयो ।

सोलिड्यारीटि कपको उद्घाटन खेल बुधबार टिमोर र ब्रुनाईबिच हुँदैछ ।