नेपाललाई भूटानले पनि फुटवलमा उछिन्यो

Posted on: October 20, 2016 | views: 339

४ कार्तिक, काठमाडौं ।
अन्तर्रा्ष्ट्रिय फुटबल महासंघ 'फिफा' ले सार्वजनिक गरेको यस महिनाको वरियतामा भुटानले फेरि नेपाललाई उछिनेको छ । भुटानले फिफा वरियतामा १० स्थानमाथि उक्लिदै नेपाललाई आफूभन्दा तल पारेको हो ।

बिहीबार सार्वजनिक वरियतामा भुटानले १ सय ७९ स्थान ओगटेको छ । नेपाल भने गत महिनाकै स्थानमा छ ।

नेपाल १ सय ८६ स्थानमा छ। २०६२–६३ तिर नेपाली फुटबलमा विवाद हुँदा भुटानले फिफा वरियतामा नेपाललाई उछिनेको थियो । दक्षिण एसियाली क्षेत्रमा भारतले पनि ठूलो फट््को मारेको छ ।

उसले ११ स्थानमाथि उक्लिदंै यो क्षेत्रको नम्बर १ टिम बन्न सफल भएको छ । भारतको अहिलेको वरियता १ सय ३७ हो ।

उसले अफगानिस्तानलाई पछि पार्दै दक्षिण एसियाली क्षेत्रमा आफूलाई शीर्षस्थानमा राखेको छ । अफगानिस्तान पनि चार स्थानमाथि उक्लिएको छ । सार्वजनिक वरियतामा अफगानिस्तान १ सय ४० स्थानमा छ ।

तेस्रो स्थानमा माल्दिभ्स छ । माल्दिभ्स १ सय ५८ स्थानमा छ । पाँचौ स्थानमा नेपाल र छैटौं स्थानमा बंगलादेश छ ।

श्रीलंको वरियता १ सय ९४ र पाकिस्तानको १ सय ९७ स्थान छ । फिफा वरियतामा यो वर्ष पनि अर्जे्न्टिना शीर्षस्थानमा छ ।