मनाङ बिकास रनिङ शिल्ड अन्तर्रा्ष्ट्रिय आमन्त्रण नकआउट फुटबलको क्वाटरफाईनल प्रवेश

Posted on: October 19, 2016 | views: 255

३ कार्तिक, चितवन ।
मनाङ मर्स्याङदी क्लव चितवनमा जारी टुबोर्ग विकास रनिङ शिल्ड अन्तर्रा्ष्ट्रिय आमन्त्रण नकआउट फुटबल प्रतियोगिताको क्वाटरफाईनलमा प्रवेश गरेको छ ।

बुधबार भएको खेलमा युनाइटेड क्लव सिवान भारतलाई ४–१ को गोल अन्तरले हराउँदै मनाङले अन्तिम आठको यात्रा तय गरेको हो ।

मनाङका बिदेशी स्ट्राइकर ओलावालेले २ गोल गरे भने  बिमल बस्नेत र साजन महर्जनले  एक एक गोल गरे ।

सिवानका लागि रञ्जित आलेले एक गोल फर्काएका थिए । ७९औं मिनेटमा सिवानका कप्तान रातो कार्ड खाँदै मैदान बाहिरिएपछि टोली १० खेलाडीमा समेटिएको थियो ।

खेलको म्यान अफ द म्याच ओलावालेले १० हजार पुरस्कार पाए । क्वाटरफाइनलमा मनाङ र चितवन ११ बीच प्रतिस्पर्धा हुने हाम्रा संवादाता सरिता पौडेलले जनाएकी छन् ।