आइसिसिले क्यानमाथि विश्वास नगरेपछि सल्लाहकार समितिलाई क्यान चलाउन दिन माग

Posted on: October 16, 2016 | views: 367

३० असोज, काठमाडौं ।
क्रिकेटको नाममा राजनीति र आर्थिक हिनामिना गर्नेगरेको पाइएपछि अन्तराष्ट्रिय क्रिकेट काउन्सिल ९आईसीसी०ले नेपाल क्रिकेट संघ क्यानलाई अघोषित प्रतिवन्ध लगाएको छ ।

क्यानले गर्ने कामलाई अवैध ठहर्याउँदै आफ्नै प्रत्यक्ष निगरानीमा क्यान पूर्व सिइओ भावना घिमिरेलाई स्थानिय प्रतिनिधि मान्दै चलाइरहेको क्यानले हालै गठन गरेको सल्लाहकार समितिको कार्यदेश पनि अस्वीकार्य गरिदिएको छ ।

युवा तथा खेलकुद मन्त्रालयले आईसीसीसमक्ष आफ्नो असहमति राखेको थियो ।

मन्त्रालयले यसलाई ‘आईसीसीले निर्देश गर्ने’ खालको कार्यविधि भनेपनि यसबारे आईसीसीले अहिलेसम्म कुनै जवाफ नदिएर सरकारको यस्तो प्रस्ताव अस्विकार गरिदिएको हो ।

सल्लाकार समितिका सदस्य एवं खेलकुद मन्त्रालयका सहसचिव चुडामणि पौडेलका अनुसार आईसीसीका कार्यकारी अधिकृत डेभिड रिचार्डसन नेपाल आएर सल्लाहकार समिति गठनको घोषणा गरे अनुसार समिति बनाइएको छ ।

प्रधानमन्त्री प्रचण्ड र खेलकुद मन्त्री दलजित श्रीपाइलीसहितको बैठकमा क्रिकेट संघलाई बोर्डमा लैजाने गरी नयाँ विधान बनाउन सल्लाहकार समिति बनाउने सहमति जनाए अनुसार गठन गरिएको नेपाली पक्षले दाबी गरेको छ ।

सल्लाहकार समितिमा आफ्नो तर्फबाट अमर शेख रहने र उनले नेतृत्व गर्ने आईसीसीले बताएको थियो । तर, सरकारले यसमा आपत्ति जनाउँदै आईसीसीको एउटा कर्मचारीको नेतृत्वमा नेपाल सरकारका उच्च पदस्थ अधिकारी बस्ने कि नबस्ने भन्ने प्रश्न रहेको भन्दै आफैं नेतृत्व गर्न सक्षम भएको दाबी गरेको छ ।

सल्लाहकार समिति बनाएको विधान पनि आईसीसीले नभई सरकारले अनुमोदन गर्ने नेपालको प्रस्ताव छ । मन्त्रालयले आफ्नो असहमति पत्रमा भनेको छ, विधान बनाउँदा हामी अन्तराष्ट्रिय मान्यता आत्मसाथ गर्छौं, तर नेपालभित्रको संघसंस्थाको विधान आईसीसीले होइन, सरकारले अनुमोदन गर्छ ।’

साथै सल्लाहकार समितिका कुनै पनि सदस्यलाई आईसीसीले कुनै पनि बेला हटाउन सक्ने प्रावधानमा पनि नेपालको आपत्ति छ ।

नेपाल क्रिकेट संघ निलम्बनमा परेपछि नेपालको क्रिकेट अहिले आईसीसी आफैंले हेर्दै आएको छ । स्थानीय स्तरमा व्यवस्थापनका लागि क्रिकेट संघका पूर्व सीईओ भावना घिमिरेले हर्दै आउनुभएको छ ।
नयाँ निर्णय नहुँदासम्मका लागि भनेर अमर शेखलाई तोकिएको छ ।