विश्वकप फुटवलमा ८ सेकेण्डमै गोलको नयाँ रेकर्ड

Posted on: October 11, 2016 | views: 438

२५ असोज, एजेन्सी ।
सन् २०१८ को विश्व कप फुटवलको छनौट खेलमा नयाँ विश्व रेकर्ड कायम भएको छ ।

विश्वकप छनौट खेलमा जिब्रालटारसँगको खेलमा ह्याट्रिक गर्दै बेल्जियमका क्रिष्टियन बेनटेकले नयाँ विश्व रकेर्ड समेत राखेका छन् ।

उनले खेलको ८.१ सेकेण्डमा गोल गर्दै अन्तर्राष्ट्रिय फुटबलमा सबै भन्दा छिटो गोल गर्ने खेलाडीमा नाम लेखाएका छन् ।

यसअघि सान मारिनोका डेविड गुएलटिएरको नाममा थियो । उनले सन् १९९३ मा भएको विश्व कप छनौट अन्तर्गत इंग्ल्याण्डसँगको खेलमा ८.३ सेकेण्डमा गोल गर्दै कीर्तिमान बनाएका थिए ।

बेनटेकले खेल सुरु भएलगतै दोस्रो टचमा नै गोल गरेका हुन् । उनले ४३ र ५५ औं मिनेटमा थप दुई गोल गर्दै ह्याट्रिक समेत गरे । यो खेलमा बेल्जियम ६–० ले विजयी भएको छ ।