नेपाली महिला क्रिकेट टोली थाईल्याण्डसँगपनि पराजित

Posted on: October 10, 2016 | views: 310

२४ असोज, हङकङ ।
नेपाली महिला राष्ट्रिय क्रिकेट टोलीले आई सी सी विश्व कप एशिया छनोट प्रतियोगितामा लगातार दोस्रो हार व्यहोरेको छ ।

हङकङमा सोमबार भएको खेलमा नेपाल थाईल्याण्ड संग ३ विकेटले पराजित भएको छ । आईतबार भएको पहिलो खेलमा नेपाल आयोजक हङकङ संग ६ विकेटले पराजित भएको थियो ।

आईतबारको पहिलो खेल भन्दा नेपालले केहि राम्रो प्रदर्षन गरे पनि निर्धारित २० ओभरको क्षेतिमा ८ विकेट गुमाएर मात्र ७६ रन बनाउन सक्यो । पहिलो खेलमा ब्याटिङ्ग र बलिङ्गमा राम्रो प्रदर्षन गरेकी नेपालकी निर्मला शाहिले यस खेलमा पनि आफ्नो लय कायम राख्न सफल भईन् ।

निर्मलाले ४७ बलमा ४ चौकाको मद्दत्तमा सर्वाधिक ३६ रनको योगदान गरिन् । बलिङ्गमा पनि निर्मलाले आफ्नो पुरै ४ ओभरमा २ मेडन र मात्र ७ रन दिंदै ३ विकेट लिएकी थिईन् ।

भारतकने सेन्ट्रल रेल्वे टिममा ६ वर्ष उच्चस्तरिको क्रिकेट खेलेकी निर्मलाले पहिलो खेलमा पनि सर्वाधिक १८ रन बनाउनुका साथै बलिङ्ग तर्पm पनि सर्वाधिक २ विकेट लिएकी थिईन् ।

नेपालका अरु खेलाडिले यस दोस्रो खेलमा दोहोरो रन बनाउन सकेनन् ।
थाईल्याण्डको महिला टोलिले ७७ रनको विजयी लक्ष्ये १८।४ ओभरमा ७ विकेटको क्षेतीमा भेट्टाएको थियो ।

नेपालका लागि निर्मलाले ३ विकेट लिएकी थिईन भने अन्य २ विकेट सरिता मगरले र रुविना वेलबासेले १ विकेट लिएका थिए ।
थाईल्याण्डको राष्ट्रिय महिला टोली संग नेपाली राष्ट्रिय महिला टोलीको यो लगातार पाँचौ हार हो ।

अहिले सम्म भएका जम्मा ८ खेलमा थाईल्याण्ड ६ र नेपाल २ पटक विजयी भएका छन् । नेपालको तेस्रो खेल चिनको महिला टोली संग मंगलबार हुनेछ ।

हङकङमा सोमबार नै भएको अर्को खेलमा आयोजक हङकङले चिनलाई ४० रनले पराजित गरेको थियो ।

हङकङले दिएको १ सय १४ रनको विजयी लक्ष्य पछ्याउने क्रममा चिनले १८।५ ओभरमा ७४ रन बनाउँदा सबै विकेट गुमाएको थियो ।