आईसीसी विश्वकप एशिया क्रिकेटको पहिलो खेलमा नेपाल पराजित

Posted on: October 10, 2016 | views: 515

२४ असोज, काठमाडौं ।
नेपाली महिला राष्ट्रिय क्रिकेट टोली आई सी सी विश्व कप एशिया छनोट प्रतियोगिताको उद्घाटन खेलमा पराजित भएको छ ।

हङकङमा आईतबार भएको पहिलो खेलमा नेपाल आयोजक हङकङ संग ६ विकेटले पराजित भएको हो ।

टस जित्दै पहिलो ब्याटिङ्ग गरेको नेपालले राम्रो प्रदर्शन गर्न सकेन ।

नेपाली महिला टोलीले १९.२ ओभरमा मात्र ७७ रन बनाउँदा सबै विकेट गुमाएको थियो ।

नेपालकी निर्मला शाहिले सर्वाधिक १८ रन बनाएकी थिईन् । भारतमा क्रिकेट खेलिरहेकी शाहि पहिलो प्रयास मै राष्ट्रिय टोलीमा पर्न सफल भएकी थिईन् ।

नेपाली राष्ट्रिय महिला क्रिकेट टोलीबाट पहिलो पटक खेलेकी निर्मला शाहिले बलिङ्ग तर्पm पनि सर्वाधिक २ विकेट लिन सफल भईन् ।

नेपालकी रुबिना क्षेत्री बेलबाशीले १२ र रस्मी शर्मा र्चालागाईंले ११ बाहेक अन्य खेलाडीले दोहोरो अङ्कको रन बनाउन सकेन्न् ।

हङकङको महिला टोलिले ७८ रनको विजयी लक्ष्ये १६.३ ओभरमा ४ विकेटको क्षेतीमा भेट्टाएको थियो । नेपालको दोस्रो खेल थाईल्याण्डको महिला टोली संग सोमबार हुनेछ ।

नेपाली महिला टोलीले सन् २०१४ मा दक्षिण कोरियामा भएको एशियाली खेलकुद पछि यो नै पहिलो अन्तराट्रिय खेल खेलेको हो ।

राष्ट्रिय स्तरमा पनि खासै प्रतियोगिताहरु नभएको परिप्यक्षमा नेपाली महिला टोलीबाट यस पटक धेरै आशा राख्नु पनि महोत्वाकांक्षि हुन सक्छ ।

हङकङमा आईतबार नै भएको अर्को खेलमा थाईल्याण्डको महिला टोलीले चिनको महिला टोलीलाई ७५ रनले पराजित गरेको थियो ।

थाईल्याण्डले दिएको १ सय ८ रनको विजयी लक्ष्ये पछ्याउने क्रममा चिन मात्र ३२ रन बनाउँदा सबै विकेट गुमाउन पुगेको थियो ।