सातौ राष्ट्रिय खेलकुदमा ताप्लेजुङबाट प्रतिनिधिकालागि छनोट आज टुङ्गिदै

Posted on: September 30, 2016 | views: 236

१४ असोज, ताप्लेजुङ ।

सातौ राष्टिय खेलकुदमा ताप्लेजुङबाट प्रतिनिधित्व गर्ने सबै ९ खेलका खेलाडिको आज टुङ्गो लाग्दैछ । आज फुटबल र भलिबलको खेलाडि छनौट गरिदैछ । बांकीको हिजै छनौट भइसकेको खेलकुद कार्यलयका सदस्यसचिव यज्ञनीधि पौडेलले जानकारि दिनुभयो ।

हिजो कराते, ताइक्वान्दो, र टेबलटेनिस खेलाडिको टुङ्गो लागेको थियो । ताइक्वान्दोमा पुरुषतर्फ निङ्माग्यावु शेर्पा, ज्ञानबहादुर गुरुङ, अनिस सावदेन र राजेश पालुङवा महिलातर्फ अनिता लिम्बु, संगिता लिम्बु, एञ्जिला सुब्बा र निसा गुरुङ छनौट भएको खेलकुद कार्यलयका सदस्यसचिव यज्ञनीधि पौडेलले जानकारि दिनुभयो ।

त्यस्तै टेबलटेनिसको लागि उत्सव श्रेष्ठ र ग्याजला लामा छनौेट भएको जिल्ला टेबलटेनिस संघका अध्यक्ष सुरेश लामाले बताउनुभयो । उता करातेमा प्रतिस्पर्धा गर्ने ११ जना खेलाडिको पनि टुङगो लागेको छ । कराते कोचा रुपा नेयोङका अनुसार पुरुषतर्फ साइङ लिम्बु, दिमस सुन्दास, राजन सेञ्चुरि, दिपेन्द्र बराल, दिनेस खिम्दिङ र राजत लिम्बु तथा महिलातर्फ मनिसा लिम्बु, खिम्दिङ, संगिता बर्देवा, सनम शेर्पा र सम्झना तामाङ छनौट हुनुभएको छ ।

आज पनि जारि रहेको छ । फुटबल, भलिबल, एथ्लेटिक्स, तेक्वान्दो, कराँते लगयत ९ वटा खेलको लागि छनौट गर्न लागिएको हो । भोलि सम्ममा अधिकांश खेलको फाइनल हुने खेलकुद कार्यलयका सदस्यसचिव यज्ञनीधि पौडेलले जानकारि दिनुभयो ।