प्रिमियर लिग एपियल क्रिकेटमा पञ्चकन्या र कान्तिपुर गोर्खाज बिजयी

Posted on: September 25, 2016 | views: 390

९ असोज, काठमाडौं ।
एभरेस्ट प्रिमियर लिग ई पि यल क्रिकेटमा पञ्कन्या तेज र कान्तिपुर गोर्खाज टिम विजयी भएका छन् ।

त्री वि क्रिकेट मैदान कीर्तिपुरमा आईतबार भएको पहिलो खेलमा पञ्कन्या तेजले जगदम्बा राईनोजलाई ६ विकेटले पराजित गरेको थियो ।

राईनोजबाट पाएको १ सय ३० रनको विजयी लक्ष्ये तेजले १९ ओभरमा ४ विकेटको क्षेतीमा भेट्टाएको थियो । तेज टिमको तर्फबाट पृथु बास्कोटाले सर्वाधिक ४८ रन बनाएका थिए ।
कीर्तिपुर मै भएको दोस्रो खेलमा कान्तिपुर गोर्खाजले सगरमाथा लेजेन्डस्लाई ७ विकेटले पराजित गरेको थियो ।

पहिलो ब्याटिङ्ग गरेको सगरमाथा लेजेन्डस्ले पुरै २० ओभर खेल्दै ९ विकेटको क्षेतीमा १ सय २४ रन बनाएको थियो । सगरमाथा लेजेन्डस्का लागि मेहबुब आलमले सर्वाधिक २३ रन बनाएका थिए ।
निकै कम्जोर बलिङ्ग गरेको कान्तिपुर गोर्खाजले २४ अतिरिक्त रन दिएको थियो ।

कान्तिपुर गोर्खाजका तर्पmबाट कप्तान बसन्त रेग्मीले मात्र राम्रो बलिङ्ग गर्न सफल रहे । कप्तान रेग्मीले ४ ओभरमा मात्र १३ रन दिएर ३ विकेट लिएका थिए ।

कान्तिपुर गोर्खाजले १ सय २४ रनको विजयी लक्ष्ये ३ विकेटको क्षेतिमा १५ ओभर मै प्राप्त गरेको थियो । कान्तिपुर गोर्खाजका लागि प्रदिप ऐरीले ३८ बलमा ५५ रनको योगदान गर्दै अर्धसतक पुरा गरेका थिए ।

प्रतियोगिता शनिबार देखि शुरु हुने भनिए पनि वर्षाका कारण विशाल वारीयर्स र कान्तिपुर गोर्खाजबिचको उद्घाटन खेल स्थगित हुन जाँदा दुवै टिमले समान १÷१ अङ्क बाँडेका थिए ।