उपत्यकाव्यापी छात्र फुटसल:आरआरको विजयी सुरुआत

Posted on: September 21, 2016 | views: 288

काठमाडौं,असोज ५ ।  आरआर क्याम्पसले दोश्रो क्रान्तिकारी कप उपत्यकाव्यापी अन्तरकलेज छात्र फुटसल प्रतियोगितामा बुधबार विजयी सुरुआत गरेको छ । अखिल क्रान्तिकारी क्याम्पस जिल्ला समिति, काठमाडौंद्वारा आयोजित प्रतियोगितामा आरआरले चारुमति क्याम्पसलाई १३–० को भारी गोलअन्तरले पराजित ग¥यो । बानेश्वर फुटसलमा भइरहेको प्रतियोगितामा पब्लिक युथ क्याम्पस, बानेश्वर क्याम्पस, मीनभवन क्याम्पस र विश्वभाषा क्याम्पसले पनि जितका साथ यात्रा प्रारम्भ गरे ।

पब्लिकले सरस्वतीलाई ३–२, बानेश्वरले पशुपतिलाई ५–४, मीनभवनले अस्कललाई ४–२ तथा विश्वभाषाले ल क्याम्पसलाई ८–३ ले हराए । प्रतियोगिताको सूचना तथा सञ्चार मन्त्री सुन्दर कार्कीले एक कार्यक्रमबीच उद्घाटन गरे । विजेताले ५१ हजार, उपविजेताले ३३ हजार र तेश्रो हुनेले १५ हजार नगद पुरस्कार पाउने छन् । प्रतियोगितामा ३६ टिमले नकआउट आधारमा प्रतिस्पर्धा गरिरहेको आयोजक समितिका उपाध्यक्ष इन्द्र लामाले जनाएका छन् ।