प्रेरणा एसियन जुनियर टुर अन्डर १४ र्याङकिङ टुर्नामेन्ट छात्रा डबल्समा पहिलो

Posted on: September 15, 2016 | views: 267

३० भदौ, काठमाडौं ।
नेपालकी प्रेरणा कोइराला र भारतकी लक्षण्या विश्वनाथको जोडी केशा ग्रुप ए.एन.एल.टी.ए. एसियन जुनियर टुर अन्डर १४ र्याङकिङ टुर्नामेन्टअन्तर्गत सर्किट २ को छात्रा डबल्समा पहिलो भएका छन् ।

सातदोबाटोस्थित टेनिस कोर्टमा भएको दुई देश सम्मिलित मिस्रित फाइनलमा प्रेरणा र लक्षण्याको जोडीले नेपालका इरा रावत र अभिलाषा विष्टको जोडीलाई ६–४, ४–६ र ११–९ को सेटमा पराजित गरेका थिए ।

छात्र डबल्समा भारतका अर्नभ पठाङ्गे र एम्बिसिएसको जोडी प्रथम भएका थिए । एम्बिसिएकले नेपालका सहर्ष चन्द र आदित सुवेदीको जोडीलाई ६–१ र ६–० को सोझो सेटमा पराजित गरेका थिए ।

केशा ग्रुपको मुख्य प्रायोजन तथा एसियाली टेनिस महासंघ 'एटीएफ' को सहयोगमा अखिल नेपाल लनटेनिस संघद्वारा आयोजित प्रतियोगिताको छात्रा एकलमा सर्किट १ की इरा र नेपालकी अभिलाषा फाइनलमा प्रवेश गरेका छन् ।

छात्र एकलको फाईनलमा भारतका अर्नभ र नेपालका सम्यकभूषण वज्राचार्य फाइनलमा प्रवेश गरेका छन् । उत्तर भेगीय शैक्षिक मञ्च 'नेफ', प्याब्सनको आयोजनामा अन्तरविद्यालय दौड प्रतियोगिता शनिबार आयोजना हुने भएको छ ।

प्रतियोगितामा विभिन्न १६ विद्यालयका समान ८०–८० जना छात्र र छात्राको सहभागिता रहने छ ।