म्यानचेष्टर डर्बीमा सिटी विजयी

Posted on: September 10, 2016 | views: 355

एजेन्सी,भदौ २५ । इंग्लिस प्रिमियर लिग अन्तर्गत भएको म्यानचेष्टर डर्बीमा माउरिन्होको प्रशिक्षणमा रहेको युनाइटेडलाई उसकै घरेलु मैदानमा पराजित भएको छ । शनिबार म्याचेष्टर युनाइटेडको घरेलु मैदान ओल्ड ट्राफोर्डमा भएको खेलमा सिटी २–१ ले विजयी भएको हो ।  

सिटीका लागि केभिन डे ब्रोइनले १४ औं र केलेसी हिलाचोले ३५ औं मिनेटमा गोल गरेका हुन् । युनाइटेडका जाल्टन इब्राहिमोभिचले ४२ औं मिनेटमा एक गोल फर्काए । युनाइटेडको प्रशिक्षकका रुपमा माउरिन्होको यो पहिलो हार हो भने ग्वार्डिओलाको विजयी यात्रा कायमै छ ।