माउन्ट कैलाश र निम्सलाई उपाधि

Posted on: September 09, 2016 | views: 210

काठमाडौं,भदौ २४ । माउन्ट कैलाश र निम्सले बाबा अन्तरविद्यालय थ्री बाइ थ्री बास्केटबल प्रतियोगिताको उपाधि शुक्रबार जितेका छन् । माउन्ट कैलाश सिनियर ब्वाइज तथा निम्स गल्र्समा च्याम्पियन बने । त्यस्तै जुनियर ब्वाइजमा गोल्डेनपिक तथा स्टाफमा आयोजक बाबाले उपाधि चुमे ।सिनियर ब्वाइज फाइनलमा माउन्ट कैलाशले निम्सलाई १८–१६ ले पराजित ग¥यो । गल्र्स फाइनलमा निम्सले न्यु भिजनलाई १८–१० ले हरायो ।

त्यसैगरी, जुनियर ब्वाइजमा पहिलो भएको गोल्डेनपिकले उपाधि भिडन्तमा बाबा ‘ए’ लाई १७–१५ ले पाखा लगायो । स्टाफको फाइनलमा बाबाले महामञ्जुश्रीलाई २१–१८ ले निराश पा¥यो ।

सिनियर ब्वाइजमा माउन्ट कैलाशका मिङमार छिरिङ शेर्पा, गल्र्समा निम्सकी मनीषा तामाङ, जुनियर ब्वाइजमा गोल्डेनपिकका पेम्बा छिरिङ शेर्पा तथा स्टाफमा बाबाका डिकेश प्रधान ‘मोस्ट भेलुएबल प्लेयर’ चुनिए । 

सिनियर ब्वाइजमा डाफोडिल बोर्डिङ स्कुल, गल्र्समा काष्ठमण्डप, जुनियर ब्वाइजमा रिलायन्स पब्लिक स्कुल तथा स्टाफमा बृहस्पति विद्या सदनले अनुशासित टिमको उपाधि हात पारे ।

विजेतालाई नेपाल बास्केटबल संघका वरिष्ठ उपाध्यक्ष नरेन्द्र थापा, राष्ट्रिय बास्केटबल खेलाडी सदीश प्रधान र बाबाका भाइस प्रिन्सिपल डिबी दाहालले एक कार्यक्रमबीच पुरस्कार वितरण गरे । पाँचदिने प्रतियोगिताको सिनियर ब्वाइजमा २६, गल्र्समा १४, जुनियर ब्वाइजमा ८ तथा स्टाफमा १० टिम सहभागी थिए ।