माफ बास्केटबलको उपाधि ज्ञाननिकेतनलाई

Posted on: September 09, 2016 | views: 228

काठमाडौं,भदौ २४ । ज्ञाननिकेनले प्रथम माफ अन्तरविद्यालय सिनियर छात्रा बास्केटबल प्रतियोगिताको उपाधि शुक्रबार जितेको छ । म्युचुएल एकेडेमिक एक्टिभिटिज फोरम (माफ) द्वारा आयोजित प्रतियोगिताको फाइनलमा ज्ञाननिकेतनले गोल्डेनपिकलाई २१–१६ ले पराजित ग¥यो । ज्ञाननिकेतनको जितमा सुस्मिता लामाले १० अंक योगदान गरिन् ।

पहिलो क्वाटरमा ४–३ को अग्रता लिएको ज्ञाननिकेतन दोश्रोमा २–४ ले पछि प¥यो । ज्ञाननिकेतनले तेश्रोमा ८–७ स्कोर गर्दै खेललाई १४–१४ को बराबरी स्थितिमा पु¥यायो । चौथो तथा निर्णायक क्वाटरमा ज्ञाननिकेतनले ७–२ को अग्रता लिदै उपाधि सुनिश्चित ग¥यो ।

शंखमूलस्थित ज्ञाननिकेतनको कोर्टमा भएको प्रतियोगितामा कन्स्टिलेसनले तेश्रो स्थानमा चित्त बुझायो । माया श्रेष्ठको ८ अंक सहयोगमा कन्स्टिलेसनले जगतमन्दिरलाई १६–१० ले हरायो ।

ज्ञाननिकेतनकै डेजी कार्की ‘मोस्ट भेलुएबल प्लेयर’ घोषित भइन् । विजेतालाई ज्ञाननिकेतनका संस्थापक प्रिन्सिपल एवं माफका वरिष्ठ सल्लाहकार शेरबहादुर कुँवर, माफका अध्यक्ष राजु राई, माफका सचिव राजन आचार्यलगायतले एक कार्यक्रमबीच पुरस्कृत गरे । भदौ १९ गतेदेखि सुरु प्रतियोगितामा माफमा आबद्ध विभिन्न २० विद्यालय मध्ये १२ विद्यालयका टिमले लिग कम नकआउट आधारमा प्रतिस्पर्धा गरेका थिए ।