प्रथम माफ अन्तरविद्यालय:बास्केटबल क्वाटरफाइनल समीकरण पूरा

Posted on: September 06, 2016 | views: 162

काठमाडौं, भदौ २१ । प्रथम माफ अन्तरविद्यालय सिनियर छात्रा बास्केटबल प्रतियोगिताको क्वाटरफाइनल समीकरण मंगलबार पूरा भएको छ । क्वाटरफाइनल ज्ञाननिकेतन र रिभेरा, कन्स्टिलेसन र भेनस, न्यु अरुणोदय र जगतमन्दिर तथा ल्यान्डमार्क र गोल्डेनपिकबीच हुनेछ ।

लिगको अन्तिम दिन मंगलबार भएको खेलमा कन्स्टिलेसनले गोल्डेनपिकलाई १२–१०, जगतमन्दिरले सम्भावीलाई ७–४ तथा गोल्डेनपिकले बेबिलनलाई २५–१० ले पराजित गरे । कन्स्टिलेसनकी माया शेर्पाले ८, जगतमन्दिरकी मन्जिला शेर्पाले ५ तथा गोल्डेनपिककी दावा छिनजुमले १० अंक जोडे ।