आईसीसीको टोली र प्रधानमन्त्री प्रचण्डबीच भेटवार्ता

Posted on: September 04, 2016 | views: 414

काठमाडौं,भदौ १९ । नेपाली क्रिकेटमा देखिएको विवाद समाधानका लागि नेपाल आएको आइसीसीका कार्यकारी प्रमुख डेभिड रिचर्डसन सहितको टोलीले  प्रधानमन्त्री पुष्पकमल दाहाल प्रचण्डसँग भेटवार्ता गरेको छ ।  प्रधानमन्त्री निवास बालुवाटारमा भएको भेटमा आईसीसीका कार्यकारी अधिकृत डेभिड रिचार्डसनसहितको टोली सहभागी रहेको थियो ।  

भेटमा खेलकुदमन्त्री दलजित श्रीपाइली र राष्ट्रिय खेलकुद परिषद् राखेपका सदस्य सचिव केशव विष्ट पनि सहभागी थिए । नेपाली क्रिकेटका सरोकारबालासँग छलफल गर्न रिचार्डसनको नेतृत्वमा तीन सदस्यीय टोली नेपाल भ्रमणमा छ । टोलीले नेपाली क्रिकेटका सरोकारवाला निकायसँग छलफल गर्ने र यसको ठोस निर्णय भने आईसीसीको बोर्ड बैठकबाट गर्नेछ ।