अन्तरविद्यालय बास्केटबल:भ्याली पब्लिक र नेरिकलाई उपाधि

Posted on: August 30, 2016 | views: 296

काठमाडौ,भदौ १४ । पाचौँ टेन्डा एआइए अन्तरविद्यालय बास्केटबल प्रतियोगितामा भ्याली पब्लिक र नेरिकले मंगलवार उपाधि जितेका छन् । भ्यालीले सिनियर ब्वाइज र गल्र्सतर्फ दोहोरो उपाधि जित्दा नेरिकले जुनियर ब्वाइजको उपाधि जितेको हो । मगंलबार भएको सिनियर ब्वाइजमा भ्याली पब्लिकले नेरिकलाई ४७–३४ स्कोरले स्तब्ध पार्दै उपाधि हात पा-यो । 

भ्यालीले १३–२,६–८,११–१५ र १७–९ अग्रता लिदै उपाधि आफ्नो बनाएको थियो । भ्यालीको जितमा विनोद नेपाली सर्बाधिक २२ स्कोर गरे । गल्र्सतर्फ भ्याली पब्लिकले फाइनलमा एचएचसीएलाई ४१–११ को फराकिलो स्कोरले हराउदै उपाधि जित्न सफल भयो । भ्यालीको जितमा लक्ष्मी चौधरीले महत्वपुर्ण १० स्कोरको योगदान गरिन् । भ्यालीले ५–१,११–२,१५–४र १०–४ स्कोरले अग्रता जमाउदै एचएचसीएमाथी सहज जित दर्ता गरेको हो ।

शखंमुलस्थित अवेरनेस इन्टरनेसनल एकेडेमी(एआइए)मा जूनियरतर्फ भएको फाइनलमा नेरिकले एचएचसिएलाई ३१–११ स्कोरले हराउदै उपाधि जितेको थियो । नेरिकको जितमा असिम भण्डारी एक्लैले २३ स्कोरको योगदान दिए । नेरिकले ८–०,९–४,६–५ र ८–२ ले खेल आफ्नो पक्षमा पारेको थियो । सिनियर ब्वाइजमा भ्यालीका विनोद नेपाली,जूनियर ब्वाइजमा नेरिकका असिम भण्डारी र गल्र्समा भ्यालीकी सुस्मा गौतम मस्ट भ्यालुएबल प्लेयर घोषित भए ।  बेस्ट थ्री पोइन्टर जूनियर ब्वाइजमा एचएचसीका कृष्ण तामाङ, सिनियर ब्वाइजमा ग्रीनल्याण्डका दिलिप पुन मगर र गल्र्समा एचएचसीकी सन्जु हायू राई चूनिए । 

हाई स्कोरर सिनियर ब्वाइजमा नेरिकका कृष्ण पन्त,जूनियर ब्वाइजमा इनोभेटिभका प्रविन तामाङ र गल्र्समा इनोभेटिकै ममता गुरुङ भए । विधागत उत्कृष्टले ट्रफि हात पारे । यसअघि सोमबार गल्र्सको तेस्रो स्थान इनोभेटिभले हात पारेको थियो । सोमबारै सिनियर ब्वाइजमा ग्रीनल्याण्ड तेस्रो भएको थियो । मगंलबार जूनियर ब्वाइजको तेस्रो स्थानको लागि भएको खेलमा इनोभेटिभले सेबलाई २३–१६ स्कोरले हरायो । इनोभेटिभको जितमा प्रविन थापाले १३ स्कोरको योगदान दिए । तीनै विधाका उपाधि विजेताले ट्रफि मेडल र प्रमाणपत्र हात पारे । 

दोस्रो र तेस्रो हुने टिमले पनि ट्रफि मेडल र प्रमाणपत्र हात पारे । प्रतियोगितामा चौथो हुने टिमलाई पनि ट्रफि प्रदान गरिएको थियो । प्रतियोगिताको विजेता टिम तथा खेलाडीलाई प्रमुख अतिथी ओलम्पियन एवम् राष्ट्रिय तथा अन्र्तराष्ट्रिय खेलाडी सघंका अध्यक्ष दीपक विष्ट,एआइएका प्रिन्सिपल विष्णु प्रसाद अर्याल,भाइस प्रिन्सिपल खगेश्वर गीरी र न्यू समिटका डाइरेक्टर रमेश पन्ती लगायतले पुरस्कृत गरे । सो अवसरमा विभिन्न विद्यालयका प्रिन्सिपलको उपस्थिती रहेको थियो । प्रतियोगितामा ब्वाइज तथा गल्र्स गरी कुल २५ स्कुलको सहभागीता रहेको थियो ।