नामी कप: मल्पीलाई दोहोरो उपाधि

Posted on: August 29, 2016 | views: 188

काठमाडौं, भदौ १३  । मल्पीले प्रथम नामी कप अन्तरकलेज ए लेभल थ्री अन थ्री बास्केटबल प्रतियोगितामा सोमबार दोहोरो उपाधि जितेको छ । जोरपाटीस्थित आयोजक नामी कलेजको कोर्टमा भएको ब्वाइज फाइनलमा मल्पी ‘ए’ ले साइपाल एकेडेमीलाई १४–११ ले पराजित ग¥यो । मल्पी ‘ए’ को जितमा वाङगेल गुरुङले ६ अंक योगदान गरे ।


यसअघि सेमिफाइनलमा मल्पी ‘ए’ ले ट्रिनिटी इन्टरनेसनल कलेजलाई २१–११ तथा साइपालले एसलाई १०–६ ले हराउदै फाइनल भेट पक्का गरेका थिए । गल्र्सको उपाधि भिडन्तमा मल्पीले आयोजक नामीलाई ८–५ ले हरायो । मल्पीकी कर्मा शेर्पाले ४ अंक जोडिन् । सेमिफाइनलमा मल्पीले रुपिजलाई ११–५ तथा नामीले एसलाई ४–३ ले पाखा लगाउदै फाइनलमा स्थान पक्का गरेका थिए ।

दुवै समूहमा पहिलो हुनेले १० हजार तथा दोश्रोले ५ हजार नगद पुरस्कारसहित ट्रफी, पदक तथा प्रमाणपत्र प्राप्त गरे । ब्वाइजमा नवाङ दोर्जे तथा गल्र्समा कर्मा शेर्पा ‘मोस्ट भेलुएबल प्लेयर’ घोषित भए । दुवै मल्पीका हुन् ।


विजेतालाई सांसद् रामेश्वर फुयाल, नामीका प्रमुख कार्यकारी अधिकृत योगराज कँडेल शर्मा, ए लेभल कोओर्डिनेटर टेकनाथ पौडेललगायतले एक कार्यक्रमबीच पुरस्कृत गरे । तीनदिने प्रतियोगिताको ब्वाइजमा ११ तथा गल्र्समा ६ टिमले लिग कम नकआउट आधारमा प्रतिस्पर्धा गरेका थिए ।