मल्पी र रातो बंगला क्वाटरफाइनलमा

Posted on: August 27, 2016 | views: 179

काठमाडौं, भदौ ११ ।  मल्पी ‘ए’ र रातो बंगला प्रथम नामी कप अन्तरकलेज ए लेभल थ्री अन थ्री बास्केटबल प्रतियोगिताको ब्वाइजतर्फ शनिबार क्वाटरफाइनलमा प्रवेश गरेका छन् ।

मल्पी ‘ए’ ले आयोजक नामी कलेज ‘ए’ लाई १३–११ तथा एसलाई १५–७ ले पराजित गर्दै समूह ‘ए’ को विजेता बन्यो । एसले नामी ‘ए’ लाई ६–४ ले हराउदै समूह उपविजेताका रुपमा क्वाटरफाइनलमा पुग्न सफल भयो ।

समूह ‘सी’ को विजेता बन्दै क्वाटरफाइनल पुग्ने क्रममा रातो बंगलाले ग्लोबललाई १३–३ तथा लिटिल एन्जल्स (एलए) लाई ८–६ ले निराश पा¥यो । एलएले ग्लोबललाई ४–३ ले पन्छ्याउदै समूह उपविजेताका हैसियतले क्वाटरफाइनलमा स्थान पक्का ग¥यो ।

समूह ‘बी’ बाट ट्रिनिटी विजेता हुँदै क्वाटरफाइनलमा प्रवेश ग¥यो । ट्रिनिटीले नामी ‘बी’ लाई १६–८ र साइपाल एकेडेमीलाई ७–४ ले पाखा लगायो । साइपाल पनि समूह उपविजेता बन्दै क्वाटरफाइनलमा पुगेको छ । साइपालले नामी ‘बी’ को चुनौती ८–७ ले समाप्त पा¥यो ।

जोरपाटीस्थित आयोजक नामीको कोर्टमा भएको गल्र्सको लिग खेलमा मल्पीले नामीलाई ९–५, एसले एलएलाई ४–२ तथा नामीले साइपाललाई ४–३ ले हराए ।

प्रतियोगिताको नामीका प्रमुख कार्यकारी अधिकृत योगराज कँडेल शर्मा र ए लेभल कोओर्डिनेटर टेकनाथ पौडेलले रेफ्री सागर श्रेष्ठलाई बल हस्तान्तरण गरी उद्घाटन गरे । सो अवसरमा कँडेलले खेलकुदको माध्यमबाट ए लेभल कलेजबीचको सम्बन्धलाई विस्तार र सुमधुर गर्ने उद्देश्यले प्रतियोगिता आयोजना गरिएको बताए ।

दुवै समूहका विजेताले १० हजार र उपविजेताले ५ हजार नगद पुरस्कार पाउने छन् । ‘मोस्ट भेलुएबल प्लेयर’ लाई गिफ्ट ह्याम्पर प्रदान गरिने छ । सोमबारसम्म चल्ने प्रतियोगिताको ब्वाइजमा ११ र गल्र्समा ६ गरी जम्मा १७ टिमले लिग कम नकआउट आधारमा प्रतिस्पर्धा गरिरहेका छन् ।