जेभियर कप यू–१९ बास्केटबलमा प्राइम र गोल्डेनगेट उपाधि नजिक

Posted on: August 25, 2016 | views: 277

९ भदौ, काठमाडौँ ।

प्राइम र गोल्डेन गेट चौथो जेभियर इन्टरनेश्नल अन्तर कलेज यू–१९ बास्केटबल प्रतियोगिको फाइनलमा प्रवेश गरेका छन् । बिहिबार भएको महिलातर्फको सेमिफाइनल खेलमा प्राइमले नासा इन्टरनेशनल कलेजलाई २७–२१ स्कोरले हरायो । प्राइमले पहिलो र दोस्रो क्वाटरमा लिएको ९ अकंको अग्रता नै जितको आधार बन्यो ।

पहिलो र दोस्रो क्वाटर प्राइमले ८–५ र ८–२ ले अग्रता लिएपनि तेस्रो र चौथो क्वाटरमा भने ६–७ र ५–७ ले पछि परेको थियो । प्राइमको जितमा सबिता खड्काले ११ स्कोर गरिन् । कालोपुल स्थित आयोजक जेभियरको कोर्टमा भएको पुरुषतर्फको सेमिफाइनमा गोल्डेन गेटले प्राइमलाई ६१–४५ स्कोरले पराजित गर्दै फाइनलमा स्थान बनायो ।

गोल्डेन गेटले शुरुवाती २१–६ को अग्रतालाई दोस्रो क्वाटरमा बचाउन नसक्दा प्राइमसँग ७–१५ ले पछि प¥यो । गोल्डेन गेट तेस्रो क्वाटरमा भने पुनः लयमा फर्कदै २१–१० को अग्रता लियो । अन्तिम क्वाटरमा गोल्डेन गेट १२–१४ ले पछि परेपनि समग्रमा ६१–४५ स्कोरले अग्रता लिदै फाइनलमा प्रवेश गर्न सफल भयो ।

गोल्डेन गेटको जितमा कुनक्यान थिङले सर्बाधिक २७ स्कोर गरे । शुक्रबार पुरुषको सेमिफाईनलमा आयोजक जेभियरले हिमालय तथा महिलातर्फ साइपाल र ट्रिनिटिबिच प्रतिस्पर्धा गर्नेछन् ।