नेपाली गोलकिपरलाई जापान फुटबल सङ्घको ‘गोलकिपिङ कोर्ष’

Posted on: August 25, 2016 | views: 318

९ भदौ, काठमाडौं ।
जापान फुटबल सङ्घ ९जेएफए०ले नेपाली फूटवलका गोलकिपरहरुको लागि पाँचदिने ‘गोलकिपिङ कोर्ष’ सञ्चालन गरेको छ ।

जेएनएफले सातदोबाटोस्थित एन्फा कम्प्लेक्समा बुधबारबाट गोल्किपिंग कोर्स सुरु गरेको हो ।

भदौ १२ गतेसम्म चल्ने गोल्किपिंग कोर्स प्रशिक्षणमा नेपालका २२ युवा गोलरक्षण प्रशिक्षार्थीहरु सहभागी रहेका छन् ।

नव फुटवल प्रशिक्षार्थीहरुलाई जापानको होक्काइदोस्थित राष्ट्रिय फुटवल प्रशिक्षण केन्द्रका प्रशिक्षक ओगाटा ग्योसुकेले प्रशिक्षण दिइरहेका छन् ।

जापानमा युवा गोल रक्षक प्रशिक्षणमा जापानमा परिचित ग्योसुकेको प्रशिक्षणमा नव गोल रक्षक प्रशिक्षार्थीहरु उज्ज्वल मानन्धर, चक्र तामाङ, राजुसिंह महर्जन, छन्नुराम चौधरी, नवीन महर्जन, अजय महर्जन, शैलेश कर्माचार्य, विनोद डङ्गोल, सुस्मिता राई र नमिताकुमारी दली सहभागी छन् ।

यसैगरि अमृत चौधरी, रोशन श्रेष्ठ, दिनेश प्रजापति, राम कुमार, सञ्जीव खड्गी, चन्द्रादेवी दाहाल, गङ्गाराम देउजा, रोशन खड्का, प्रवीन श्रेष्ठ, सन्तोष तिवारी, विकेश कुथू र विशाल श्रेष्ठको प्रशिक्षणमा सहभागीता रहेको छ ।

गोलकिपिगं प्रशिक्षणमा सहभागीमध्ये केही राष्ट्रिय टोलीमा रहेका र केही विभिन्न क्लव आवद्ध गोलकिपरहरु रहेका छन् ।

प्रशिक्षक ग्योसुकले नेपाली फूटवलसँग आफु ३५ वर्षदेखि नजिक रहेको भन्दै आफूले प्रशिक्षणमा सहभागीहरुलाई सक्दो सिकाउने बताएका छन् ।