एएफसी कपमा थ्री स्टारको बिजयी सुरुवात

Posted on: August 21, 2016 | views: 368

५ भदौ, काठमाडौं ।
थ्री स्टार क्लब ए एफ सी कप फुटबल प्ले अफ छनोटको पहिलो खेलमा विजयी भएको छ ।

मंगोलीयाको राजधानी उलनबटारमा आईतबार भएको खेलमा नेपालको राष्ट्रिय लिग विजेता थ्री स्टारले आयोजक राष्ट्र मंगोलीयाको लिग विजेता एर्चीम फुटबल क्लबलाई २-० गो अन्तरले पराजित गरेको थियो ।

खेलको १३ औँ मिनेटमा थ्री स्टारका नाईजेरियाली स्ट्राईकर मार्टिन्स कयोदेले पहिलो गोल गरेका थिए भने खेलको ७५ औँ मिनेटनमा थ्री स्टारका बिक्रम लामाले दोस्रो तथा निर्णायक गोल गरेका थिए ।

गत वर्षको राष्ट्रिय लिगमा विजयी हुँदै ए यफ सी कपको छनोटमा भाग लिएको थ्री स्टारको अर्को खेल कम्बोडियाको नागावोल्र्ड फुटबल क्लब संग मंगलबार हुनेछ ।

तिन समूहमा विभाजन गरिएको प्ले अफ छनोट चरणमा ९ वटा क्लब सहभागि छन् ।

तिन वटै समूहबाट समूह विजेता हुन सफल क्लब अर्को चरणमा प्रवेश गर्ने छन् ।

पहिलो खेलमा जित संगै थ्री स्टारको अर्को चरणमा प्रवेशको सम्भावना बलियो भएको छ ।