पिस प्वाइन्ट सेमिफाइनलमा

Posted on: August 19, 2016 | views: 154

काठमाडौं, भदौ ३  । आयोजक पिस प्वाइन्ट बोर्डिङ स्कुल प्रथम पिस प्वाइन्ट कप अन्तरविद्यालय छात्र फुटबल प्रतियोगितामा शुक्रबार सेमिफाइनलमा प्रवेश गरेको छ ।

सानोगौचरणमा भएको पहिलो क्वाटरफाइनलमा पिस प्वाइन्टले रिलायन्स रेसिडेन्सियललाई ४–१ गोलअन्तरले पराजित ग¥यो । विजयी टिमका लागि अर्विन राय, सुशील भण्डारी, रवि भुजेल र कार्साङ लामाले १–१ गोल योगदान गरे । रिलायन्सका सुजल राईले सान्त्वना गोल गरे । रिलायन्सका फिलिप कुँवर ‘म्यान अफ द म्याच’ चुनिए ।

अन्य खेलमा जित हात पार्दै चाल्र्स डार्विन, सेवा सदन र ल्यान्डमार्कले पनि सेमिफाइनलमा स्थान पक्का गरे ।

चाल्र्स डार्विनले विद्याकुञ्जलाई ३–१ ले हरायो । विजेताका ‘म्यान अफ द म्याच’ घोषित दीपराज चौलागाईंले २ तथा अरुण सिंहले १ गोल गरे । विद्याकुञ्जका नेश सवालले १ गोल फर्काए ।

सेवा सदनले एप्पलमाथि ३–० को जित दर्ता ग¥यो । तीनै गोल ‘म्यान अफ म्याच’ दोर्जे लामाबाट सम्भव भयो । अंकुर विरुद्धको खेलमा ल्यान्डमार्क २–१ ले विजयी भयो । ल्यान्डमार्कका अभिनाश गुरुङले २ तथा अंकुरका सचिन लुगनले १ गोल गरे । अंकुरका मन्दिप भुजेल ‘म्यान अफ द म्याच’ बने ।

शनिबार हुने सेमिफाइनलमा पिस प्वाइन्टको भेट सेवा सदनसंग हुनेछ भने चाल्र्स डार्विनले ल्यान्डमार्क विरुद्ध प्रतिस्पर्धा गर्नेछ ।