रियो ओलम्पिक:कुन देशले जिते कति पदक ? अमेरिका शीर्ष स्थानमा,बेलायत पछ्याउँदै

Posted on: August 15, 2016 | views: 483

एजेन्सी,साउन ३१  ब्राजिलमा जारी रियो ओलम्पिकमा अमेरिका पदक तालिकाको शीर्ष स्थानमा कायम छ । हालसम्म विभिन्न ४६ देश र एक स्वतन्त्र खेलाडीले विभिन्न खेलमा स्वर्ण पदक जितिसकेका छन । तर, हालसम्म कुल ६७ देशले ओलम्पिकमा पदक हात परेका छन् । रियो ओलम्पिकको पदक तालिकामा हालसम्म अमेरिकाले  २६ स्वर्ण, २१ रजत र २२ कास्य गरी ६९ पदक जितेको छ । चीनलाई पछि पार्दै बेलायत दोस्रो स्थानमा उक्लिएको छ । बेलायतले अहिलेसम्म १५ स्वर्ण, १६ रजत र ७ कास्य गरी ३८ पदक जितेको छ । कुल ४५ पदक जितेको चीन तेस्रो स्थानमा छ । 


चीनले अहिलेसम्म १५ स्वर्ण, १३ रजत र १७ कास्य गरी ४५ पदक जितेको हो । ९ स्वर्ण, ११ रजत र १० कास्य गरी ३० पदक जितेको रुस चौथो तथा पाँचौं स्थानको जर्मनीले ८ स्वर्ण, पाँच रजत र चार कास्य गरी १७ पदक जितेको छ । यस्तै सात स्वर्ण, ८ रजत र सात कास्य गरी २२ पदक जितेको फ्रान्स छैटौं, सात स्वर्ण, ८ रजत र ६ कास्य गरी २१ पदक जितेको इटाली सातौं, सात स्वर्ण, चार रजत र १५ कास्य गरी २६ पदक जितेको जापान आठौं, ६ स्वर्ण, सात रजत र ९ कास्य गरी २२ पदक जितेको अस्ट्रेलिया नवौं तथा ६ स्वर्ण, तीन रजत र पाँच कास्य गरी १४ पदक जितेको दक्षिण कोरिया दशौं स्थानमा छ ।


हंगेरीले पाँच स्वर्ण, तीन रजत र चार कास्य गरी १२, नेदरल्याण्ड्सले चार स्वर्ण, दुई रजत र तीन कास्य गरी ९,  स्पेनले तीन स्वर्ण र दुई कास्य गरी पाँच, न्युजिल्याण्डले दुई स्वर्ण र ६ रजत गरी ८, क्यानडाले दुई स्वर्ण, दुई रजत र ९ कास्य गरी १३, काजकस्तानले दुई स्वर्ण, दुई रजत र चार कास्य गरी ८, कोलम्बियाले दुई स्वर्ण र दुई रजत गरी चार, स्वीट्जरल्याण्डले दुई स्वर्ण, एक रजत र दुई कास्य गरी पाँच, बेल्जियमले दुई स्वर्ण, एक रजत र एक कास्य गरी चार, थाइल्याण्डले दुई स्वर्ण, एक रजत र एक कास्य गरी चार, क्रोएसियाले दुई स्वर्ण र एक रजत गरी तीन, इरानले दुई स्वर्ण र एक कास्य गरी तीन तथा जमैकाले दुई स्वर्ण र एक कास्य गरी तीन पदक जितेको छ । 


दक्षिण अफ्रिका, स्वीडेन, डेनमार्क, उत्तर कोरिया, ब्राजिल, बेलारुस, केन्या, क्युवा, पोल्याण्ड, रोमानिया, स्लोभेनिया, अर्जेन्टिना, स्लोभाकिया, भिएतनाम, चेक गणतन्त्र, उज्वेकिस्तान, इथियोपिया, चाइनिज ताइपेइ, ग्रिस, फिजी, कोसोभो, पुएर्टो रिको, सिंगापुर र स्वतन्त्र ओलम्पिक एथ्लेट्सले पनि एक एक स्वर्ण जितेका छन् । अहिलेसम्म ६८ देशले पदक जितेका छन् ।