शीर्ष चारमा पुग्ने लक्ष्यसहित नेपाल आज नेदरल्याण्डसँग भिड्दै (लाइभ अपडेट)

Posted on: August 13, 2016 | views: 395

काठमाडौं,साउन २९ ।  विश्व क्रिकेट लिग च्याम्पियनसिप (डब्लुसिएल) अन्तर्गत नेपालले आज बलियो प्रतिद्धन्दी नेदरल्याण्ड्सको सामना गर्दैछ ।  आज नेदरल्याण्ड्स र नेपालको पहिलो खेल नेदरल्याण्ड्सको एम्स्टलभिनमा  नेपाली समय अनुसार दिउँसो पौने चार बजे सुरु हुनेछ । प्रतियोगितामा नेपाल र नेदरल्याण्डसहित हङकङ, पपुवा न्युगिनी, स्कटल्याण्ड, केन्या, नामिबिया र संयुक्त अरब इमिरेट्स युएई गरी ८ राष्ट्र सहभागी छन् । नेदरल्याण्ड्स भ्रमणमा रहेको नेपालले आर्मस्टेलभिनमा दुईवटा एकदिवसीय खेल खेल्नेछ । यसअघि एकदिवसीयमा नेपाल र नेदरल्याण्डस दुईपटक आमनेसामने भएका छन् ।

अहिलेसम्म खेलका ६ खेलमा चार खेल जितेको नेदरल्याण्ड्स १० अंकसहित शीर्ष स्थानमा छ । ६ खेलमा चार खेल गुमाएको तथा दुई खेल जितेको नेपाल चार अंकसहित छैटौं स्थानमा छ । अहिले नेदरल्याण्ड्ससँगको खेलका लागि उसकै मैदान पुगेको नेपाली टोलीका लागि नेदरल्याण्ड्सको टिम र मैदान दुवै चुनौतीको रुपमा छन् । विश्व क्रिकेट लिग डिभिजन दुईको खेलमा नेपालले दुई विकेटको जित दर्ता गरेको थियो । नेपालले नेदरल्याण्ड्ससँग दोस्रो खेल सोमबार खेल्नेछ ।


लाईभ अपडेटको लागि यहाँ क्लिक गर्नुहोस् ।