दक्षिण एसियाली तेक्वान्दोमा नेपाललाई तीन स्वर्ण सहित १२ पदक

Posted on: August 09, 2016 | views: 498

काठमाडौ,साउन २५ । भारतको बैंग्लोरमा भएको ५औँ दक्षिण एसियाली आमन्त्रण आइटिएफ तेक्वान्दो च्याम्पियनसिमा नेपाल टिम दोस्रो भएको छ । नेपालले कुल १२ पदक हात पा¥यो । बैग्लोरमा सोमबार राती सम्म भएको खेलमा नेपालले चार स्वर्ण,पाँच रजत र तीन कास्य पदक हात पारेको दक्षिण एसियाली आइटिएफ तेक्वान्दोका उपाध्यक्ष तथा नेपाल आइटिएफ तेक्वान्दोका अध्यक्ष अन्जन धमलाले बताए । नेपालका लागि सोनी खड्काले दुई स्वर्ण तथा पुजा खुलाल मगर र विरेन्द्र कुँवरले समान एक–एक स्वर्ण हात जिते । सोनीले प्याट्रन र फाइट दुवैतर्फ स्वर्ण जितीन् । फाइटतर्फबाट खुलाल मगरले (४७–५२) र कुँवुरले(४७–५२) तौल समुहमा नेपाललाई स्वर्ण दिलाएका थिए ।

महिलातर्फ ब्लाक बेल्ट तेस्रो डानको प्याट्रन र फाइटको ४७ केजी मूनि तौल समुहमा सोनी खड्काले स्वर्ण जितिन् । प्याट्रमा सोनीले भारतिय खेलाडी इलिना घोसलाई हराउदै नेपाललाई स्वर्ण दिलाइन् । फाइटमै आशिष कार्की,मनोज खड्का,दिपक गौतम र सुवाष आले मगरले रजत पदक जितेका छन् । प्याट्रनको पहिलो डानमा पुजा खुलाल मगरले रजत पदक पनि जितीन् । आशीष कार्कीले तेस्रो डानको प्याट्रनमा पनि रजत पदकमा हात पारे । सेमिफाइनलमा अफगानिस्तानका खेलाडीलाई पराजित गर्दै स्वर्ण पदकका लागि प्रतिस्पर्धा गरेका कार्की फाइनलमा भारतिय खेलाडी खेलाडीसँग पराजित भएपछि रजतमै चित्त बुझाए । दिलेन राई,विरेन्द्र कुँवर र दिपक गौतमले कास्य पदकमै चिक्त बुझाए ।

बैग्ंलोरमा भएको प्रतियोगितामा नेपालका १० खेलाडी सहभागीता जनाएका थिए । टोलीको प्रशिक्षक दिनेश शर्मा र विजय श्रेष्ठ छन् । प्रतियोगितामा राष्ट्रिय मार्शल गेम्स महासघं(एनएमजीसि)का अध्यक्ष समेत रहेका प्रविन कुमार कार्कीले नेपालकोतर्फ बाट एक मात्र निर्णायकको भूमिका निर्वाह गरेका थिए । नेपाल आइटिएफका अध्यक्ष अन्जन धमला दक्षिण एसियाली आइटिएफ तेक्वान्दो महासघंको वरिष्ठ उपाध्यक्षमा निर्विरोध निर्वाचित भएका थिए । प्रतियोगितामा दक्षिण एसियाली तेक्वान्दोका वरिष्ठ उपाध्यक्ष धमलाले विजेता खेलाडीलाई पुरस्कार वितरण गरेका थिए । केही दिन अगाडी मात्र कार्की दक्षिण एसियाली आइटिएफ तेक्वान्दो महासघंका बोर्ड सदस्यमा पनि निर्वाचित भएका थिए । च्याम्पियनसिपमा खेलाडीहरु योगेश छन्त्याल मनोज खड्का,आशिष कार्की,सुर्य बहादुर तामाङ,दिलेन राई,विरेन्द्र कुँवर,पुजा खुलाल मगर,सोनी खड्का,दिपक गौतम र सुवास आले मगरले फाइट तथा प्याट्रनमा नेपालको तर्फबाट चुनौती पेश गर्नेछन् । च्याम्पियनसिपमा नेपालले फाइट,प्याट्रन र टिम प्याट्रनमा सहभागीता जनाएको थियो ।