विराट कोहली आइसिसीको  कारबाहीमा

Posted on: May 01, 2016 | views: 372

एजेन्सी,फागुन १८ । भारतीय ब्याट्सम्यान विराट कोहलीलाई अन्तर्राष्ट्रिय क्रिकेट काउन्सिल आइसिसीले कारबाही गरेको छ । शनिबार एसिया कपअन्तर्गत भारत र पाकिस्तानबीच भएको खेलका दौरान कोहलीले अभद्र व्यवहार प्रदर्शन गरेको भन्दै आइसिसीले कारबाही गरेको हो ।  कोहलीलाई आइसिसीले ३० प्रतिशत म्याच फि जरिवाना गरेको छ । कोहलीले आइसिसी कोड अफ कन्डकको भावनाविपरीत व्यवहार प्रदर्शन गरेको आइसिसीको ठहर छ । आइसिसीको विज्ञप्तिमा भनिएको छ, ‘यो घटना खेलको १५औँ ओभरमा भएको थियो । जब विराटलाई एलबिडब्लुको आउट दिइयो, त्यसपछि उनले आफ्नो ब्याट देखाए । क्रिज छाड्ने वेलामा अम्पायरलाई हेरे र केही शब्द बोले । जुन खेल भावनाविपरीत हो ।’

कोहलीलाई १५औँ ओभरमा मोहमद सामीको बलमा एलबिडब्लूमा आउट दिइयो । तर, रिप्लेमा इसाइड इज्ड लाएको देखिएको थियो । त्यसपछि रिसले चुर भएका कोहलीले अम्पायर रुचिरा पालिया गुरुजमाथि केही शब्द बोलेका थिए ।