फ्रान्सलाई पछार्दै पोर्चुगलले जित्यो युरोकप उपाधि (फोटो फिचर)

Posted on: July 11, 2016 | views: 395

२७ असार, एजेन्सी ।
आयोजक फ्रान्सलाई आफ्नै भूमिमा हराउँदै पोर्चुगलले युरोकप २०१६ को उपाधि जितेको छ ।

सोमबार बिहान भएको खेलमा उपाधि भिडन्तको फाइनल खेलमा पोर्चुगलले फ्रान्सलाई एक गोलले हराएको हो ।

निर्धारित ९० मिनेटसम्मको खेलमा पनि दुवैपक्षबाट कुनै गोल हुन नसकेपछि थपिएको अतिरिक्त समयमा पोर्चुगलले गरेको एकमात्र गोल निर्णायक बन्न पुग्यो ।

पोर्चुगलका लागि खेलको १ सय नवौं मिनेटमा सब्सीच्युटमा खेलाइएका खेलाडी इडरको गोलले पोर्चुगललाई युरोकप उपाधि दिलायो ।

खेलको मध्यान्तर अघिनै घाइते भएर मैदान छाड्नु पर्दा रोएका कप्तान क्रिष्टियानो रोनाल्डो गोलपछि खुसीले रुन पुगेका थिए भने फ्रान्स खेल सकिएपछि आफ्नै भूमिमा पराजित हुनुपर्दा रोएका थिए ।

खेलमा फ्रान्सका खेलाडीले हानेका केही बल गोलपोष्टको केही माथि र पोर्चुगलका गोलकिपरले उत्कृष्ठ बचाउ गर्दा राम्रो खेलेर पनि गोल हुन नसकी पराजित हुन पुग्यो ।

फ्रान्सलाई उसकै भूमिमा पराजित गर्न सफल पोर्चुगलले खेलको सुरुवाती देखीनै दवावपूर्ण खेल खेलेपनि गोलको लागि १ सय ९ औं मिनेटसम्म कुर्नुपर्यो ।

युरोकप २०१६ को उपाधि भिडन्त क्रममा सेमिफाइनल अघि प्रतियोगिताबाटै बाहिरिने अवस्थामा पुगेको पोर्चुगल नयाँ नियमका आधारमा उत्कृष्ठ टोली ठहर्दै पुन प्रवेश पाएकोमा त्यसलाई पुष्टि गर्दै उपाधि जितेर उत्कृष्ठ बन्न सफल भएको छ ।