युरोकप: फ्रान्स फाइनलमा,विश्वबिजेता जर्मनी बाहिरियो

Posted on: July 08, 2016 | views: 323

काठमाडौं,असार २४ ।  विश्वबिजेता जर्मनीलाई हराउँदै आयोजक फ्रान्स जारी युरोकप फुटबलको फाइनलमा प्रबेश गरेको छ । मार्सेलीमा शुक्रवार विहान भएको खेलमा जर्मनीलाई २-० गोलले पराजित गर्दै घरेलु टोली फ्रान्सले उपाभिको भिडन्त पक्का गरेको हो । फ्रान्सका लागि दुवै गोल सुपरस्टार एन्टोइन ग्रिजम्यानले गरे । पहिलो हाफको अन्तिम मिनेटमा पाएको पेनाल्टीको सदुयोग गर्दै फ्रान्सलाई अग्रता दिलाए । जर्मनीका क्याप्टेन बास्टियन स्वाइन्सटाइगरले डिबक्सभित्र हृयाण्ड गरेपछि फ्रान्सले पेनाल्टी पाएको हो । यस्तै १–० को अग्रता कायम गरेका उनले खेलको ७२ औँ मिनेटमा फेरि अर्को गोल गरे । 

जर्मनीमाथि फ्रान्सको यो ऐतिहासिक जित हो । कुनै पनि मुख्य प्रतियोगितामा फ्रान्सले जर्मनीलाई सन् १९५८ यता हराउन सकेको थिएन । फ्रान्स र पोर्चुगलबीचको फाइनल खेल आगामी आइतबार राति पौने १ बजे फ्रान्सको राष्ट्रिय रंगशालामा हुनेछ ।