युरोकप:जर्मनीसामू फ्रान्सको शक्ति परिक्षण

Posted on: July 07, 2016 | views: 384

एजेन्सी,असार २३ । युरोकप फुटबलको दोश्रो सेमिफाइनलमा आज आयोजक फ्रान्स र विश्वविजेता जर्मनीसँग प्रतिस्पर्धा गर्दैछ । बिहीबार नेपाली समय अनुसार राती पौने १ बजे स्टेड भेलोड्रोम स्टेडियममा हुने खेलमा समस्याबाट गुज्रिरहेको जर्मनीसँग फ्रान्सलाई बदला लिने मौका रहेको छ । मुख्य खेलाडी घाइते भएपछि जर्मनीले तनाब सामना गर्न परिरहेको छ। सेन्टर ब्याक म्याटहुमेल्स पहेँलो कार्ड पाएका कारण मार्सेमा हुने खेललाई निलम्बित छन्।

स्ट्राइकर मारियो गोमेज र मिडफिल्डर सामी खेडिरा चोटका कारण सेमिफाइनलबाट बाहिरिनुपरेको छ। 
आयोजक फ्रान्सले घरेलु मैदानमा भएको ठूला प्रतियोगिताहरुमा हार ब्यहोरेको छैन। जर्मनीसँग पनि ठूला प्रतियोगितामा फ्रान्ससँग हारेको रेकर्ड छैन। फ्रान्स सन् १९६६ को विश्वकपदेखि यता ठूला प्रतियोगितामा जर्मनीसँग भएको सबै ९ खेलमा पराजित भएको छ। 

जर्मनी पछिल्ला विश्वकपमा भएका ३ वटा नकआउट चरणका खेलहरूमा फ्रान्ससँग अपराजित रहँदै आएको छ भने मुख्य प्रतियोगिताको सेमिफाइनलमा पनि जर्मनीको राम्रो रेकर्ड छ। सन् २०१४ को विश्वकपमा पनि क्वार्टरफाइनलमा जर्मनीसँग १-० पराजित हुँदै फ्रान्स घर फर्केको थियो।