रोनाल्डो भर्सेस बेलः युरोकपमा पहिलो पटक आमनेसामने हुँदै

Posted on: July 06, 2016 | views: 325

एजेन्सी,असार २२ ।  युरोकप २०१६ मा आजको खेलमा सबैको नजर ग्यारेथ बेल र क्रिष्टियानो रोनाल्डोमा परेको छ । एकै क्लबबाट खेल्ने बेल र रोनाल्डो युरोकपमा पहिलो पटक देशको नेतृत्व गर्दै आमनेसामने हुँदैछन्। पोर्चुगल रोनाल्डोमा निर्भर रहेको छ भने वेल्स बेलभन्दा पनि टीम गेम खेल्ने टोलीको रुपमा अगाडि आएको छ। बेल्स र पोर्चुगलको खेललाई बेल भर्सेस रोनाल्डोको रुपमा पनि हेरिएको छ ।  दुबै टिम फाइनलमा स्थान बनाउन लियोनमा भिड्दैछन् ।उनीहरु फुटबल मैदानमा एकअर्काविरुद्ध यसअघि पनि उत्रिसकेका छन् । पहिलो पटक प्रिमियर लिगमा २००८/०९ मा पहिलो पटक भिडेका थिए । रोनाल्डोको म्यानचेष्टर युनाइटेडले बेलको टोटनहृयामलाई ५-२ ले हराएको थियो   दोस्रो पटक सिजन २०१०/११ मा च्याम्पियन्स लिगको क्वार्टरफाइनलमा भिडेका थिए । 

५८ वर्षपछि ठूलो प्रतियोगिता खेलेको वेल्स पहिलो पटक युरोपियन च्याम्पियनपसिपको सेमिफाइनलमा पुगिसकेको छ । नयाँ स्टारका रुपमा देखिएका रेनाटो सान्चेज,नानी, रोनाल्डोसँगै पोर्चुगलको आफुलाई बलियो साबित गर्दै आएका हुनाले आजको नतिजा कस्को पक्षमा हो भन्ने अड्कल बा जि गर्नै नसक्ने अवस्थामा रहेको छ ।