युरो उपाधि ह्याट्रिक गर्ने दाउमा रहेको फ्रान्सलाई आइसल्यान्डकै चिन्ता

Posted on: July 03, 2016 | views: 234

एजेन्सी,असार १९ ।  युरो २०१६ को उपाधिमाथि ह्याट्रिक गर्ने दाउमा रहेको आयोजक फ्रान्सले अन्तिम क्वाटर फाइनलमा आज राति आइसल्याण्डको सामना गर्दैछ ।  तेस्रो पटक युरो कपकको उपाधि जित्ने अभियानमा रहेको फ्रान्स जित हात पार्दै जर्मनीसँगको सेमिफाइनल भिडन्त पक्का गर्ने दाउमा छ। कीर्तिमान तेस्रोपल्ट उपाधि जित्ने अभियानमा रहेको फ्रान्सलाई क्वाटरफाइनलमा बलियो टिम मानिएको छ ।  पहिलोपल्ट ठूलो प्रतियोगिता खेलिरहेको आइसल्यान्ड सामान्य रूपमा जसलाई पनि हराउन सक्ने क्षमता रहेको छ । 

उत्तर एट्लान्टिक द्वीपको टिमले अन्तिम १६ मा इंगल्याण्ड जस्तो उपाधि दाबेदार टोलीलाई पराजित गर्दै क्वाटरफाइनलमा पुगेको हो । उसले समूह चरणको पहिलो खेलमा पोर्चुगलसँग १–१ को बराबरी खेलेको थियो । त्यसपछि अन्त्यतिर गोल गर्दै २–१ को जित निकालेर अस्ट्रियालाई घर फर्काएको उसले अन्तिम १६ मा इंग्ल्यान्डलाई पनि उही अन्तरले पराजित गरेको थियो ।


समूह चरणमा गोल गर्न संघर्षरत फ्रान्सले प्रिक्वाटर फाइनलमा भने उत्कृष्ट प्रदर्शन गरेको थियो। फ्रान्स समूह ए को विजेता बन्दै प्रिक्वाटर फाइनलमा पुगेको हो। आयरल्याण्डलाई २–१ ले हराउँदै फ्रान्स क्वाटर फाइनलमा पुगेको थियो। अहिलेसम्मको ११ भेटमा आइसल्याण्ड विरुद्ध फ्रान्स अपराजित छ र सोही यात्रालाई कायम राख्न चाहन्छ। ११ पटक आमने सामने हुँदा फ्रान्न्स ८ खेलमा विजयी भएको छ भने ३ खेल बराबरीमा सकिएका छन्।
यता इंगल्याण्डलाई निराश पारेको आइसल्याण्डलाई अर्को स्तब्धपूर्ण नतिजा आत्मसाथ गर्ने योजनामा छ।