युरोकप: वेल्स भर्सेस बेल्जियम,कसले मार्ला बाजी ?

Posted on: July 01, 2016 | views: 193

एजेन्सी,असार १७ । फ्रान्समा जारी युरोकप २०१६ अन्तर्गत शुक्रबार राती पौन १ बजे हुने दोस्रो क्वाटरफाइनल खेलमा वेल्स र बेल्जियम भिड्दैछन्। सन् १९५८ को वल्र्डकपपछि वेल्सका लागि सबैभन्दा ठूलो प्रतियोगिता हो ।  विश्व वरियताको २४ औं नम्बरमा वेल्सर  दुई स्थानमाथि रहेको बेल्जियमबीचको भिडन्त रोचक रुपमा हेरिएको छ ।  वेल्समा रियल म्याड्रिडका फरवार्ड गारेथ वेल र आर्सनलका मिडफिल्डर आरोन राम्से जस्ता खेलाडी रहेका छन् । बेल्जियममा चेल्सीका मिडफिल्डर इडन हजार्ड, म्यानचेष्टर सिटीका फरवार्ड केभिन डि बु्रनेर इर्भोटनका स्ट्राइकर रोमेलु लुकाकु जस्ता खेलाडीहरुले भरिएकाले यी दुवै आ आफस बलियो रहेको दाबी गर्दै आएका छन् । 

वेल्स प्रिक्वाटरफाइनलमा उत्तरी आयरल्याण्डलाई पराजित गर्दै पहिलो सहभागितामै क्वाटरफाइनलमा पुगेको हो। बेल्जियमले भने प्रिक्वाटरफाइनलमा हंगेरीलाई हराएको थियो। समूह चरणमा स्लोभाकिया र रसियालाई पराजित गरेको वेल्स इंगल्याण्डसँग पराजित भएको थियो। सन् १९७२ मा युरोमा डेब्यु गरेको बेल्जियमको यो पाँचौ सहभागिता हो। सन् २००० यता भने बेल्जियमले युरो खेलेको यो पहिलो पटक हो।
 
पहिलो सहभागितामै तेस्रो बनेको बेल्जियम सन् १९८० मा उपविजेता भएको थियो भने १९८४ र २००० मा समूह चरणबाटै बाहिरिएको थियो। यी दुई टोलीबीच अहिलेसम्म भएको १२ खेलमा बेल्जियमले ५ खेल जितेको छ भने वेल्स ४ खेलमा विजयी भएको छ। बाँकी ३ खेल बराबरीमा सकिएको थियो। कम्टिटेटिभ टुर्नामेन्टमा वेल्स र बेल्जियम भिड्न लागेको यो पहिलो पटक हो।
 
 
खेल हुने समय : मध्यरात १२:४५ बजे
खेल हुने स्थान : स्टेड पिएरे माउरो, लिले
हेर्नलायक खेलाडी : गारेथ बेल, एडेन हाजार्ड, केभिन डे बु्रएन
हेड टु हेड : वेल्स ४, बेल्जियम ५, बराबरी ३
रेफ्री : दमिर स्कोभिना, स्लोभेनिया
युरो सहभागिता : वेल्स १, बेल्जियम ५
फिफा वरियता : वेल्स २६, बेल्जियम २
मुख्य उपलब्धि : बेल्जियम फाइनल सन् १९८०