बसन्तले बाजी मारे । जापानी फुटबल प्रशिक्षक बन्दै बार्षिक ५५ लाख पारिश्रमिक

Posted on: June 26, 2016 | views: 997

१२ असार, टोकियो ।
नेपाली फूटवलका पूर्वराष्ट्रिय खेलाडी वसन्त गौचन विदेशी फुटवल संस्थासँग आवद्ध भएर अहिलेसम्मकै ठूलो बार्षिक आम्दानी गर्ने पहिलो खेलाडी बनेका छन् ।

गौचनले जापानमा व्यवसायिक फुटबल प्रशिक्षण यात्रा प्रारम्भ गर्दै बार्षिक ५५ लाख रुपैयाँको सम्झौता गरेका छन् ।

गौचनलाई जापानको फनरुट्स फुटबल एकेडेमीले प्रशिक्षकको रुपमा अनुबन्ध गरेको हो ।

फनरुट्स टोकियोमा अवस्थित व्यवसायीक फुटबल एकेडेमी हो । फलरुट्सको जर्मन टोली बोरुसिया डर्टमुन्डसँग ‘टाइ अप’ छ ।

डर्टमुनन्डले जापानमा आफ्नो एकेडेमी र फुटबल स्कुल पनि चलाएको छ ।
डर्टमुन्डबाट हरेक वर्ष फलरुट्समा युवा खेलाडीलाई प्रशिक्षण दिन प्रशिक्षक आउने गर्छन् ।

फनरुट्समा उनी स्पोर्टसको विद्याथीका प्रशिक्षकलाई इन्स्ट्रक्टर पनि गर्छन् । पुमा सकर क्लव, चोफुओचुकाको स्कुल टिममा ६ वर्षदेखिको १२ वर्षसम्मका बाल बेलाडीलाई तथा कोमाजावा सकर क्लबमा चारदेखि १० वर्षका बाल खेलाडीलाई प्रशिक्षण दिन्छन् ।

गौचनले एकेडेमीबाट वार्षिक ५५ लाख रुपैयाँ पारिश्रमिक पाउनेछन् । यस अलावा उनले शनिवार तथा विदाका दिनमा क्लव बाहिर अन्य ठाउँमा समेत घण्टाको हिसावमा फुटवल प्रशिक्षण दिने बताइएको छ ।