ललित स्मृति फुटबल: आर्मी र झापा ११ सेमिफाइनलमा

Posted on: June 24, 2016 | views: 260

काठमाडौं, असार १० ।  त्रिभुवन आर्मी क्लव र झापा ११ ललित स्मृति यु-१८ फुटबल प्रतियोगिताको  सेमिफाइनलमा पुगेका छन् । शुक्रबार भएको खेलमा आर्मीले  नेपाल पुलिसलाई २–० ले हराउदै सेमिफइनलमा स्थान बनाएको हो । आर्मीको लागि  दिनेश हेमजन र अरिक विस्टले गोल गरे ।

यस्तै अर्को खेलमा झापाले सुदूर पश्चिमाञ्चललाई टाइब्रेकरमा हराएर अन्तिम चारमा स्थान बनाएको हो । निर्धारित समय १–१ गोलको बराबरीमा सकिएपछि खेल टाइब्रेकरमा गएको हो । सोमबार हुने सेमिफाइनलमा झापा र आर्मी तथा संकटा र लुम्बिनी क्लबले खेल्नेछन् ।