आईसीसीले तयार पारेको नयाँ प्रस्तावसँगै नेपालललाई नयाँ अवसर

Posted on: June 19, 2016 | views: 319

काठमाडौं,असार ५ । अन्तर्राष्ट्रिय क्रिकेट काउन्सिल आईसीसीले तयार पारेको नयाँ प्रस्तावसँगै नेपाली राष्ट्रिय क्रिकेट टिमले नयाँ अवसर पाउने भएको छ । आईसीसीले नयाँ एकदिवसीय लिगको प्रस्ताव तयार पारेपछि नेपालले टेष्ट मान्यता प्राप्त शीर्ष दश टिमसँग खेल्ने मौका पाउने भएको हो । 


क्रिकइन्फोका अनुसार आईसीसीद्वारा प्रस्तावित नयाँ लिगमा १० शीर्ष टेष्ट टिम र नेपाल, अफगानिस्तान र आयरल्याण्डसहित १३ देशको सहभागिता रहनेछ । यो लिग तीन वर्षको हुने र यो अवधिमा सबै देशले एक अर्कासँग खेल्ने अवसर पाउनेछन् । यसैगरी लिगको शीर्ष दुई टिमले प्ले अफ सिरिज खेल्नेछ भने त्यसको विजेता एकदिवसीय लिगको विजेता हुने व्यवस्थासहित आईसीसीले नयाँ प्रस्ताव तयार गरेको छ ।