आइसल्याण्ड भर्सेस हंगेरी,दुवै टीम दोस्रो चरण प्रवेशको ढोका खोज्दै

Posted on: June 18, 2016 | views: 251

एजेन्सी,असार ४ ।  युरो २०१६ अन्तर्गत आज बेलुका हुने दोस्रो खेलमा  आइसल्याण्ड र हंगेरी  खेल जित्दै दोस्रो चरण प्रवेश गर्ने दाउमा मैदान उत्रदैछन् ।  बेल्जियमसमूह चरणको पहिलो खेलमा पोर्चुगल जस्तो टीमलाई बराबरीमा रोकेको आइसल्याण्ड र अष्ट्रियालाई पराजित गरेको हंगेरी दोस्रो खेलमा पनि त्यही प्रदर्शनलाई दोहोर्‍याउने तयारीमा छन्। आइसल्याण्डले खेल जिते अन्तिम १६ मा प्रवेश गर्ने करिब पक्का हुनेछ भने हंगेरीले जिते एक खेल अगावै अन्तिम १६ मा स्थान बनाउनेछ। यी दुईबीच अहिलेसम्म भएका १० खेलमा हंगेरी ७ मा विजयी भएको छ भने बाँकी ३ खेल आइसल्याण्डले जितेको छ। पछिल्लो पटक सन् २०११ मा बुढापेस्टमा भएको मैत्रीपूर्ण खेलमा हंगेरीले आइसल्याण्डलाई ४–० ले पराजित गरेको थियो।