युरोकप: एडरको उत्कृष्ट गोलले इटली नकआउट चरणमा, स्वीडेन पराजित

Posted on: June 17, 2016 | views: 269

एजेन्सी,असार ३ ।  स्वीडेनलाई हराउँदै इटाली युरोकप फुटबलको अन्तिम १६ मा पुगेको छ । एडरको उत्कृष्ट गोलको मदतमा इटलीले स्वीडेनलाई १-० गोल अन्तरले पराजित गरेको हो । जर्जियो चिलिनीले गरेको थ्रोलाई इडरले ८८ औं मिनेटमा उत्कृष्ट गोल गरे । उनले स्वीडेनका चार खेलाडीले छल्दै हानेको बलले जाली चुमेको थियो ।  प्रि क्वाटर फाइनलमा पुगेको इटालीले आफ्नो पहिलो खेलमा बेल्जियमलाई २–० ले हराएको थियो । हारपछि स्वीडेको भने अन्तिम १६ मा पुग्ने संभावना निक्कै कठिन भएको छ ।


स्वीडेनले अन्तिम खेलमा बेल्जियमलाई हराएर मात्र पुग्दैन, इटली र रिपब्लिक अफ आयरल्याण्डमा भर पर्नु पर्नेछ । बराबरी खेलेको अवस्थामा भने इटली र रिपब्लिक अफ आयरल्याण्डको नजितामा भर पर्छ भने हारले बाहिरिनेछ ।