एएफसी कप प्लेअफमा थ्रीस्टार समूह 'बी' मा,कसको भिडन्त को सँग ?

Posted on: June 17, 2016 | views: 250

काठमाडौं,असार ३ । सन् २०१७ मा हुने एएफसी कपका लागि हुने प्लेअफको ड्र सार्वजनिक भएको छ । प्लेअफ खेल्न थ्रीस्टार आगामी अगस्टमा मंगोलिया जाने भएको छ । शुक्रबार बिहान एएफसी हेडक्वाटार मलेसियामा भएको ड्र मा थ्री स्टार समूह बी मा परेको छ । समूह बी को आयोजना मंगोलियाले गर्नेछ। समूहमा मंगोलियाको एर्चिम एफसी र कम्बोडियाको नगवर्ल्ड एफसी रहेको छ। कुल ९ राष्ट्रका लिग च्याम्पियनले खेल्ने प्लेअफमा थ्रीस्टारले समूह चरणमा अन्य दुई क्लबसँग खेल्नेछ।

तीन समूहमा विभाजन गरिएको प्लेअफको समूह ए मा किर्गिस्तानको डोर्डोइ, मकाउको कासा वेनफिका र गुआमको रोभर्स एफसी रहेका छन्। यस्तै समूह सी मा भुटानको एफसी टर्टोन्स, बंगलादेशको शेख रसेल क्रिरा चाक्रा लिमिटेड रहेका छन्। प्रत्येक समूहको शीर्ष स्थानमा रहने टीममात्र प्लेअफमा छनोट हुनेछ। थ्री स्टारले समूह बी को पहिलो खेलमा आगामी अगस्ट २१ मा एर्चिम एफसी तथा अगस्ट २३ मा नगवर्ल्ड एफसीसँग प्रतिस्पर्धा गर्नेछ।