भारतसँग जिम्बाब्बे १० विकेटले पराजित,सिरीज ३-० ले कब्जा

Posted on: June 15, 2016 | views: 266

एजेन्सी,असार १ । घरेलु टोली जिम्बाब्बे  भारतसँग लगातार पराजित भएको छ । बुधबार सम्पन्न तेस्रो एकदिवसिय क्रिकेटमा भारतले जिम्बाब्बेलाई १० विकेटले हराँउदै गर्दै सिरिज ३-० ले कब्जा गरेको छ । यस अघि शनिबार र सोमबार सम्पन्न खेलहरुमा पनि जिम्बाब्बे भारत सँग पराजित भएको थियो। 


टस जितेर सुरुमा ब्याटिङ्ग गरेको जिम्बाब्बेले ५० ओभरको खेलमा ४२ दशमलव २ ओभरमा न‌ै आफ्नो सम्पुर्ण विकेट गुमाउद‌ै मात्र एक सय २३ रन बनाउन सक्यो, जिम्बाब्बेका भुसिमुझी सिबान्दाले ३८ रन बनाउनु बाहेक अरु ब्याट्मेन क्रिज टिक्न  नसक्दा जिम्बाब्बे सस्तैमा समेटीन पुगेको हो । भारतका जस्प्रित भुम्रहाले ४ विकेट युजभेन्द्र चाहालले २ विकेट, धवल कुल्क्रनी र अक्षर पट्टेलले  १-१ विकेट हात पारे।


एक सय २४ रनको सामान्य लक्ष्य सहित मैदानमा उत्रिएको भारतले २१ दशमलव ५ ओभरमा बिना विकेट लक्ष्य भेटायो भारतका लागी लोकेश राहुलले ६३ रनको अर्धसतकिय पारी खेले भने फौज फजलले नटआउट ५३ रन बनाए ।