पोर्चुगललाई रोक्न आइसल्याण्ड सफल,हंगेरीले अष्ट्रियालाई हरायो

Posted on: June 15, 2016 | views: 192

काठमाडौं,असार १ ।

युरो कप फुटबलको उपाधि दावेदार पोर्चुगललाई आईसल्याण्डले बराबरीमा रोकेको छ । मंगलबार राति भएको आफ्नो पहिलो खेलमा पोर्चुगलले पहिलो पटक ठूलो प्रतियोगिता खेलिरहेको आइसल्याण्डसँग एक एक गोलको बराबरी खेलेको हो ।

खेलको ३१ औं मिनेटमा पोर्चुगलका नानीले पहिलो गोल गरे । तर दोस्रो हाफको ५० औं मिनेटका आईसल्याण्डका बिर्की बार्नासनले एक गोल फर्काउँदै खेल बराबरी गरेका हुन् ।


यो बराबरीपछि पहिलो पटक युरोकप फुटबल खेलिरहेको आईसल्याण्डले प्रतियोगिताको पहिलो खेलबाटै १ अंक जोडेको छ । यही समुहको अर्को खेलमा हंगेरीले अष्ट्रियालाई २–० ले हरायो । खेलमा हंगेरीका लागि एडम जालाई र जोल्टन स्टिबरले एक–एक गोल गरे ।त्यस्तै अर्को खेलमा  हंगेरीले विजयी सुरुवात गरेको छ । हंगेरीले अष्ट्रियालाई २–० ले हराँउदै विजयी सुरुवात गरेको हो ।

खेलमा हंगेरीका लागि एडम जालाई र जोल्टन स्टिबरले एक–एक गोल गरे । सन् १९८६ पछि पहिलो पटक मुख्य अन्तर्राष्ट्रिय प्रतियोगितमा फर्किएको हंगेरीका लागि युरोकपको पहिलो खेल महत्वपूर्ण बन्यो । 

हंगेरी ३० वर्ष अघि विश्वकपमा सहभागी भएयता कुनै पनि ठूलो अन्तर्राष्ट्रिय प्रतियोगितामा सहभागी भएको यो पहिलो पटक हो । युरोकपमा हंगेरी ४४ वर्षपछि फर्किएको हो ।

यसअघि सन् १९७२ मा हंगेरीले युरोकप खेलेको थियो । छनौट चरणमा उत्कृष्ट प्रदर्शन गरेको तथा फिफा बरियतामा १० औं स्थानमा रहेको अस्ट्रियाले भने त्यो प्रदर्शनलाई कामय राख्न सकेन ।