मिस्टर काठमाडौं शारीरिक सुगठन भदौमा

Posted on: June 13, 2016 | views: 340

काठमाडौं,जेठ ३१ ।  काठमाडौं जिल्ला शारीरिक सुगठन तथा फिट्नेस संघको आयोजनामा मिस्टर काठमाडौं शारीरिक सुगठन प्रतियोगिता तथा प्रथम महिला शारीरिक सुगठन प्रतियोगिता भदौमा हुने भएको छ ।

प्रतियोगिता भदौ २४ र २५ गते काठमाडौंमा हुने सोमबार आयोजित पत्रकार सम्मेलनमा आयोजक संघका अध्यक्ष सुरेश सुवेदीले जानकारी गराए ।

पुरुषमा ५५, ६०, ६५, ७०, ७५ र ७५ केजीमाथि गरी जम्मा ६ तौलसमूहमा प्रतिस्पर्धा हुने छ । प्रत्येक स्पर्धामा शीर्ष तीन स्थान हात पार्ने खेलाडीले क्रमशः १० हजार, ५ हजार र ३ हजार नगद पुरस्कार प्राप्त गर्ने छन् । समग्रमा मिस्टर काठमाडौंको उपाधि विजेतालाई १ लाख नगद पुरस्कार प्रदान गरिने छ ।

खुला फिट्नेस विधामा प्रतिस्पर्धा हुने महिला स्पर्धामा विजेताले २० हजार, उपविजेताले १० हजार र तेश्रो हुनेले ५ हजार नगद पुरस्कार हात पार्ने छन् । आयोजकका अनुसार प्रतियोगिता सञ्चालन गर्न करिब ७ लाख खर्च हुने छ ।