जूनियर फुटबल एकेडेमीद्धारा फुटबलर तामाङ सम्मानित

Posted on: June 11, 2016 | views: 320

काठमाडौँ,जेठ २९ । जूनियर फुटबल एकेडेमी(जेएफए)ले नेपाली राष्ट्रिय फुटबल टिमका  मिडफिल्डर राजू तामाङलाई शनिबार सम्मान गरेको छ । बालुवाटारस्थीत आफ्नै एकेडेमिमा जेएफले अखिल नेपाल फुटबल सघं (एन्फा)द्धारा सर्बोत्कृष्ट खेलाडी घोषित भेट्रान फुटबलरलाई सम्मान गरीएको हो । केहि समय अगाडी मात्र तामाङ २५ लाख नगदद्धारा सम्मानित भएका थिए । नेपाली आर्मीका खेलाडी समेत रहेको तामाङलाई जेएफका सस्थापक तथा प्रमुख प्रशिक्षक प्रज्वल प्रताप क्षेत्रिले दोसल्ला तथा फुलमाला लगाई सम्मान गरे । क्षेत्रिले देशका लागि लामो समय त्याग र योगदान दिएका तामाङलाई राज्यले कदर नगरेपनि एन्फाको सम्मानले तामाङ र युथ फुटबलरलाई हौसला मिल्ने बताए । 


उनले भने त्यस्ता खेलाडीलाई सम्मान गर्न पाउदा जुनियर फुटबलर उत्पादन थप हौसला मिल्नेछ । फुटबलर तामाङले जूनियर खेलाडी अनुशासित भएर प्रशिक्षण गर्दै देशका लागि उत्कृष्ट फुटबलर बन्न शुभकामना दिए । सो अवसरमा एकेडेमिका अविभावक समिर थापाले प्रशिक्षणका लागि फुटबल सामाग्री प्रदान गरे । थापाले एकेडेमिका प्रशिक्षक क्षेत्रिलाई करिब २० हजार बराबरको प्रशिक्षण सामाग्री प्रदान गरेका थिए ।