रोनाल्डो विश्वकै महंगा खेलाडी, मेस्सी पछि परे

Posted on: June 09, 2016 | views: 490

२७ जेठ, एजेन्सी ।
पोर्चुगलका फुटबल स्टार क्रिष्टियानो रोनाल्डो विश्वकै सबैभन्दा बढी पारिश्रमिक पाउने खेलाडी भएका छन् । अमेरिकी म्यागेजिन फोर्ब्स निकालेको सर्वा्धिक पारिश्रमिक पाउने १० खेलाडीको सूचीमा रोनाल्डो एक नम्बरमा परेका हुन् ।

रोनाल्डोले यो वर्षको जुन १ सम्म ८८ मिलियन अमेरिकी डलर पारिश्रमिक बुझेको उल्लेख छ । रोनाल्डोले पारिश्रमीक बापत ५६ मिलियन डलर बुझेका छन् भने ३२ मिलियन डलर विज्ञापन वापत् बुझेका छन् ।

रोनाल्डोपछि सर्वा्धिक पारिश्रमिक पाउने खेलाडी हुन् बार्सिलोनाका स्टार लियोनल मेसीले पछिल्ला १२ महिनामा ८१.४ मिलियन  अमेरिकी डलर पारिश्रमिक बुझेको फोर्व्सले उल्लेख गरेको छ ।

सर्वा्धिक पारिश्रमिक पाउने खेलाडीको तेस्रो नम्बरमा भने बास्केटबलका स्टार लिवोर्न जेम्स छन् उनले ७७।२ मिलियन डलर कमाइ गरेका छन् । जेम्सले विज्ञापनमा खेलेवापत् बार्सिलोना र रियल मड्रिडका खेलाडीभन्दा बढी कमाइ गरेका छन्। उनले विज्ञापनबाट मात्रै ५४ मिलियन डलर कमाएका छन् ।

यस्तै चौथो स्थानमा रोजर फेडेरर छन् उनले ६७.८ मिलियन डलर कमाएका छन् भने पाँचौ स्थानका केभिन डुरान्टले ५६.२ मिलियन डलर, छैठौ स्थानका नोभाक जोकोभिचले ५५.८ मिलियन डलर कमाएका छन् ।

सातौं स्थानमा रहेका क्याम न्यूटनले ५३.१ मिलियन डलर, आठौंमा रहेका पिल मिकेलसनले ५२.८ मिलियन डलर कमाइ गरेका छन् ।

यस्तै कमाउनेको सूचीमा ९ नम्बरमा रहेका जोर्डन स्पिथले ५२.८ र १० नम्बरमा परेका कोबे ब्रायन्टले ५० मिलियन डलर पारिश्रमिक पाउँछन् ।