नेपाललाई नेदरल्याण्डको भ्रमणको तयारी थाल्न आईसीसीको निर्देशन

Posted on: June 06, 2016 | views: 444

काठमाडौं,जेठ २४ । अन्तराष्ट्रिय त्रिकेट काउन्सिल (आईसीसी) क्यानकी कार्यकारी अधिकृत भावना घिमिरेलाई खेलको तयारी थाल्न निर्देशन दिएको छ । नेपाल क्रिकेट संघ क्यानको निलक्बन पछि नेपाली क्रिकेट आफैंले हेर्न थालेको आईसीसीले  नेदरल्याण्ड टुरको तयारी थाल्न निर्देशन निर्देशन दिएको हो ।  विश्व क्रिकेट लिग च्याम्पियनपसिप अन्तर्गतको नेदरल्याण्डसँग हुने खेलको लागी तयारी थाल्न घिमिरेलाई जिम्मेवारी दिदै पत्र काटेको छ । 


नेपाल क्रिकेट संघ क्यानको रोक्का रकमबाट कटौती हुन सक्ने गरी नेदरल्याण्ड भ्रमणका लागि आवश्यक पर्ने  रकम तथा सेवा सुबिधा आईसीसीले नै उपलब्ध गराउनेछ। आईसीसीले खेलाडी छनोटको जिम्मा राष्ट्रिय टिमका कप्तान पारस खड्का र प्रशिक्षकको जिम्मा जगत टमाटा तथा सल्लाहकारमा भारतका पूर्व खेलाडी राजु बैंकटपतिलाई राखेको छ ।


आईसीसीका ग्लोबल डेभलोपमेन्ट म्यानेजर टिम एण्डरसनले क्रिकेट संघको निर्वाचित समिति, तदर्थ समिति र राष्ट्रिय खेलकुद परिषद् राखेपलाई पठाएको पत्रमा नेदरल्याण्डसँगको खेलका लागि आफ्नो मातहतमा रहेर स्थानीय स्तरमा समन्वय गर्ने जिम्मेवारी सीईओ घिमिरेलाई दिइएको उल्लेख छ ।

नेपालले विश्व क्रिकेट लिग च्याम्पियनपसिप अन्तर्गत साउन २९ र ३१ गते नेदरल्याण्डसँग उसकै घरेलु मैदानमा खेल्नेछ ।