एन्फाका बर्खास्त पदाधिकारी आज पुर्नबहाली हुँदै

Posted on: June 01, 2016 | views: 194

काठमाडौं,जेठ १९ । अखिल नेपाल फुटबल संघ एन्फाको आज बस्ने कार्यसमिति बैठकले बर्खास्तीमा परेका तीन उपाध्यक्ष र एक सदस्यलाई पुनर्बहाली गर्ने भएको छ । लगतार तीन बैठकमा अनुपस्थित भएको भन्दै असोज २१ मा बर्खास्तीमा परेका उपाध्यक्ष कर्मा छिरिङ शेर्पा, विजयनारायण मानन्धर, किशोर राई तथापंकज नेम्बाङलाई जेठ १० गते भित्र पुनर्बहाली गरिसक्न फिफाले वैशाख २७ मा एन्फालाई निर्देशन दिएपछि 

निर्णय उल्टाउन बाध्य भएको हो । 


आजको बैठकले उनीहरुको ठाँउमा मनोनय गरेका उपाध्यक्ष सन्तोष बानियाँ, विरबहादुर खड्का र मणी कुँवर तथा सदस्य अरुणमान जोशीले भने आजै राजीनामा दिनेछन् । एन्फाको आजको बैठकले बानियाँलाई मानार्थ उपाध्यक्ष र खड्का र कुवरलाई पुरानै जिम्मेवारी दिने सम्भावना छ । उनीहरु दुई जना यसअघि सह महासचिवको जिम्मेवारीमा मनोनित भएका थिए ।