आईपिएलको उपाधिका लागि बैंग्लोर र हैदरावाद भिड्दै

Posted on: May 29, 2016 | views: 478

एजेन्सी,जेठ १६ । इण्डियन प्रिमियर लिग (आईपिएल) क्रिकेटको उपाधि भिडन्त आज हुदैछ । आईतवार हुने फाइनलमा रोयल च्यालेन्जर्स बैंग्लोर र सन राइजर्स हैदरावाद भिड्दैछन् ।छिन्नस्वामी क्रिकेट स्टेडियम बैंग्लोर पहिलो पटक पुगेको फाईनल यात्राको सदुपयोग गर्दै उपाधि हत्याउने दाउमा मैदान उत्रदै छ । हैदरावादको भने यो तेस्रो फाइनल यात्रा भएकाले उच्च बनोबलको साथ मैदान उत्रदै छ ।


बैंग्लोर कप्तान विराट कोहली, एबी डि भिलियर्स, क्रिस गेल र सेन वाट्सनजस्ता स्टार ब्याट्सम्यानहरुको साथ रहनेछ ।हैदरावाद यसअघि सन् २००९ र २०११ म फाइनल खेलेपनि उपाधि जित्न भने सकेको थिएन । तर, डेविड वार्नरको कप्तानीमा उत्रने हैदरावादले विराट कोहलीको टोलीलाई पराजित गर्दै पहिलो उपाधि रक्षा गर्ने दाउमा हुनेछ ।


बैंग्लोरले पहिलो प्ले अफको खेलमा गुजरात लायन्सलाई पराजित गर्दै फाइनलमा प्रवेश गरेको हो । यता हैदरावाद भने दोस्रो प्ले अफमा कोलकत्ता नाइट राइडर्सलाई पराजित गर्दै क्वालिफायर राउण्डमा प्रवेश गरेको हो । फाइनल प्रवेशका लागि भएको क्वालिफायरमा पहिलो प्ले अफमा पराजित गुजरात लायन्सलाई पराजित गर्दै बैंग्लोरसँगको भेट पक्का गरेको हो ।