इन्डो नेपाल कराते च्याम्पियन शनिवारबाट काठमाडौंमा

Posted on: May 27, 2016 | views: 190

१४ जेठ, काठमाडौं ।
तेश्रो इन्डो–नेपाल कराते च्याम्पियनसिप यहि शनिबारदेखि काठमाडौँमा सुरु हुँदैछ ।

नेपाल गोजुकाइ कराते डो संघको आयोजनामा हुने कराते प्रतियोगितामा नेपालका २ सय १ र भारतका २५ गरी २ सय २६ खेलाडीको सहभागिता रहने छ ।

पुरुषमा ९ र महिलामा ८ गरी जम्मा १७ वटा प्रतिस्पर्धा हुने राष्ट्रिय खेलकुद परिषदले जनाएको छ ।

दुईदिने प्रतियोगिताका खेलहरु बालुवाटरस्थित चिल्ड्रेन मोडेल स्कुलमा हुने छ ।

गत दुवै संस्करणमा नेपाल टिम च्याम्पियन बनेको थियो ।