आईरिस ओपन स्वीमिङमा गौरीकाको नयाँ किर्तिमान

Posted on: May 03, 2016 | views: 272

१९ बैशाख, काठमाडौं ।
१२ औँ दक्षिण एशियाली खेलकुदमा एक्लै ४ वटा पदक जितेर ईतिहास रच्न सफल नेपाली राष्ट्रिय पौडी खेलाडी गौरीका सींहले आईरिस ओपन स्वीमिङ्ग प्रतियोगिताको एक सय मिटर फ्रिस्टाईलमा नँया राष्ट्रिय किर्तिमान कायम गरेकी छिन् ।

आयरल्याण्डको डब्लिनमा शुक्रबार भएको स्पर्धामा गौरीका सींहले सोफिया साहाको नाममा रहेको १ मिनेट ०२.१ सेकेन्डको किर्तिमानलाई तोड्न सफल भएकी थिईन् ।

गौरीकाले १ मिनेट १.७८ सेकेन्डमा दुरी पुरा गर्दै नँया किर्तिमन बनाएकी  थिईन् ।

गौरीकाले शनिबार भएको २ सय मिटर ब्याक स्ट्रोकमा ४६ जनामा १२ औँ स्थानमा आउन सफल भईन् ।

उनले निर्धारीत दुई २ मिनेट २७।७५ सेकेण्डमा पुरा गरेकी थिईन् ।