दोश्रो नागिनीकपमा सेमिफाइनलका खेल शुक्रबार हुदैँ

Posted on: January 31, 2020 | views: 290

सामरी । म्यागङ गाउँपालिकाको वडा नं. ५ पोखरीडाँडामा सञ्चालन भइरहेको ‘दोश्रो नागिनीकप अन्तर–जिल्लास्तरीय खुल्ला नकआउट फुटबल प्रतियोगिता’मा क्वाटर फाइनलसम्मा खेल सम्पन्न भएको छ । क्वाटर फाइनलका खेलहरु बिहीबार सम्पन्न हुदै चार समूह शुक्रबारहुने सेमिफाइनलको लागी प्रवेश गरेका छन् । शुक्रबार हुने सेमिफाइनलमा आयोजक नागीनीथान युवा क्लब बी समूहले फुटबल कर्नर टिम कल्लाबारीसंग प्रतिस्पर्धा गने भएको छ ।

यस्तै, जनआवाज युवा क्लबले म्यागङ गाउँपालिकास्तरीय युवा क्लबसंग प्रतिीस्पर्धा गर्ने आयोजक नागीनीथान युवा क्लबका अध्यक्ष भुबन तामाङले जानकारी दिनुभयो ।

उहाँको अनुसार बिहीबार भएको क्वाटर फाइनलको खेलमा लर्चेत युवा क्लबलाई म्यागङ गाउँपालिकास्तरीय युवा क्लबले पोनाल्टीमा हराएको हो । निर्धारित समयसम्म दुवै समूहबाट एक–एक गोल भएपछि पेनाल्टी सुट आउटमा म्यागङ गाउँपालिकास्तरीय युवा क्लबले लर्चेत युवा क्लबलाई ७–६ गोल अन्तरले हराएको हो । पहिले अग्रता लिएको लर्चेतलाई म्यागङ गाउँपालिकास्तरीय युवा क्लबले पाएको पेनाल्टी मार्फत गोल गरेर खेल बराबरी बनाएर अन्तत पेनाल्टी सुट आउटमा बिजयी हुदै सेमिफाइनल प्रवेश गरेको हो । 

यस्तै, बिहीबार नै भएको अर्को खेलमा फुटबल कर्नर समूह कल्लाबारीले जोर चौतारा युवा क्लबलाई पेनाल्टी सुट आउटमा ४–३ गोल अन्तरगतले हराउदै फाइन प्रवेशको लागी प्रतिस्पर्धा गर्न सेमिफाइनलमा पुगेको छ । निर्धारित समयमा दुवै समूहबाट एक–एक गोलको बराबरी भएपछि खेलको निर्धारण पेनाल्टी सुटआउट मार्फत गरिएको आयोजक नागीनीथान युवा क्लबका प्रमुख सल्लाहकार प्रकाश तामाङले जानकारी दिनुभयो ।

प्रतियोगिताको दुवै सेमिफाइनल खेल शुक्रबार हुने र शनिबार फाइनल खेल सञ्चालन गरिने आयोजकले जनाएको छ ।